الماتىدا ناتاليا ساس اتىنداعى بالالار مەن جاسوسپىرىمدەرگە ارنالعان مەملەكەتتىك اكادەميالىق تەاترىندا «ساس. ءبىر دايىندىقتىڭ حرونيكاسى» سپەكتاكلىنىڭ مەرەيتويلىق پرەمەراسى ءوتتى.
رەجيسسەر ەلەنا پيانوۆانىڭ قويىلىمى حالىق ءارتيسى جانە ەلىمىزدەگى العاشقى بالالارعا ارنالعان تەاتردىڭ قۇرىلتايشىسى ناتاليا ساستىڭ 120 جىلدىعىنا ارنالعان، دەپ حابارلايدى Almaty-akshamy.kz 24.kz-كە سىلتەمە جاساپ.
سپەكتاكلدە ونەر يەسىنىڭ قويىلىمعا دايىندىعى ساحنالاندى. ول سوناۋ 1945 جىلدىڭ 7 قاراشاسىندا ەۆگەنيي شۆارستىڭ «قىزىل تەلپەك» اڭگىمەسىن كورەرمەنگە ۇسىنعان ەدى. پرەمەراعا مادەنيەت جانە اقپارات ءمينيسترى جانە باسقا دا وتاندىق، شەتەلدىك قوناقتار كەلدى. تەاتردىڭ كىرەبەرىسىندە «ساس ۋاقىتى» اتتى فوتوكورمە ۇيىمداستىرىلدى.
«ءبىز وسى سپەكتاكل مەن كورمە ارقىلى ناتاليا ساستىڭ 120 جىلدىعىن قورىتىندىلايمىز. رەسەيدىڭ تەاتر مۋزەيى قولداۋ كورسەتىپ، كورمەنىڭ كوركىن اشا ءتۇستى. ولار ناتاليا ءساستىڭ جەكە زاتتارى، قۇجاتتارى مەن تىڭ سۋرەتتەرىن الىپ كەلدى. ءبىزدىڭ تەاتر اشىلىپ، العاشقى «قىزىل تەلپەك» سپەكتاكلىندە كيگەن 2 كوستيۋمدى دە كورمەگە شىعاردىق»، - دەيدى تەاتردىڭ ادەبيەت-دراماتۋرگيا ءبولىمىنىڭ جەتەكشىسى تاتيانا كارامىشيەۆا.