كومپانيا 2021 جىلى جاڭا جۇيەنى ازىرلەۋدى باستادى
«قازاقستان تەمىرجول» ۇك» اق-نىڭ بۇرىنعى ەڭبەكاقى تولەۋ جۇيەسى بۇرىننان قالىپتاسقان ۋچاسكەلىك كوەففيسيەنتتەرگە نەگىزدەلسە، ولار ءتىپتى ءبىر وبلىس شەگىندە دە ءارتۇرلى بولاتىن (ءبىر وبلىستا 4 كوەففيسيەنتكە دەيىن). وسىعان بايلانىستى ءبىر وڭىردەگى ءبىرقاتار بولىمشەلەر قىزمەتكەرلەرى بىردەي جۇمىس اتقارسا دا، ءارتۇرلى جالاقى الىپ كەلدى، دەپ حابارلايدى Almaty-akshamy.kz.
كومپانيا 2021 جىلى جاڭا جۇيەنى ازىرلەۋدى باستادى.
«اعىمداعى جىلدىڭ 15 قازانىنان باستاپ تەمىرجولشىلارعا ءبىر ءوڭىر شەڭبەرىندە جالاقى ءبىرىڭعاي وبلىستىق كوەففيسيەنتتى قولدانا وتىرىپ ەسەپتەلەتىن بولادى. وزگەرىستەر تومەنگى ۋچاسكەلىك كوەففيسيەنتتەر بويىنشا جالاقى الىپ كەلگەن 68 مىڭنان استام تەمىرجولشىعا قاتىستى»، - دەپ جازدى «قازاقستان تەمىرجولى» ۇك» اق باسپا ءسوز قىزمەتىنەن.
تەمىرجولشىلار تولىق اقپاراتتى جۇمىس ورىندارىنداعى ەڭبەكاقى تولەۋ ماسەلەلەرى بويىنشا مامانداردان جانە كومپانيانىڭ رەسمي سايتىنان الا الادى.