الماتىداعى قاستەيەۆ مۇراجايىندا جارمەڭكە ءوتتى

150-دەن اسا شەبەر قاتىستى

الماتىدا وتكەن حالىقارالىق قولونەرشىلەر فورۋمى اياسىندا بۇگىن قاستەيەۆ مۇراجايىندا جارمەڭكە ۇيىمداستىرىلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.

وعان ەلىمىزدىڭ تۇكپىر-تۇكپىرىنەن 150-دەن اسا شەبەر قاتىستى. ۇسىنىلعان ونىمدەردىڭ قاتارىندا كەراميكا، كيىز، توقىما، زەرگەرلىك ونەر، جىبەك شارۋاشىلىعى جانە باسقا دا قولونەر تۇرلەرى بار. جارمەڭكەگە كەلگەن قالا تۇرعىندارى وسىنداي ءىس-شارالاردىڭ كوبەيگەنى دۇرىس دەيدى. قولونەرشىلەر ۇلتتىق ناقىشتاعى ونىمدەردى حالىققا ۇسىنىپ قانا قويماي، سۋرەتتەر مەن اشەكەي-بۇيىمداردىڭ ۇلت ومىرىندەگى ءمان-ماعىناسىن تۇسىندىرۋگە كۇش سالدى.

«كەشەگى وتكەن فورۋمنان بۇگىن ۇلكەن جارمەڭكە بولىپ جاتىر. بۇكىل جەر، دۇنيەجۇزىنەن قازاقتىڭ قولونەرشىلەرى كەلدى. ءوزىمىز وتباسىمىزبەن ونەرلى ادامبىز. بۇگىن مىنە، سول جۇمىسىمىزدى كورسەتىپ وتىرمىز. ءوزىمىزدىڭ قولىمىزدان شىققان جۇمىسىمىزدى اكەلدىك»، – دەدى قولونەرشى انارگۇل ناربوتانوۆا.

«كادەسىي الىپ كەتكەن ادام ەرتەڭ وعان قاراپ، وعان ەسكە سالىپ وتىرادى. ونىڭ قايتا بۇل ەلگە قايتىپ كەلۋىنە سەپتىگىن تيگىزەدى دەگەن سياقتى. سوندىقتان ءبىز قولونەردى تۋريستىك ءونىمنىڭ ءبىر بولىگى دەپ سانايمىز. بۇل شاراعا 10 ەلدەن ءتۇرلى ەكسپەرت، ءبىراق ودان ماڭىزدىسى – ەلىمىزدىڭ تۇكپىر-تۇكپىرىنەن 150-دەن استام شەبەر قاتىسىپ وتىر»، – دەدى  ۇيىمداستىرۋشى كومپانيانىڭ باسقارۋشى ديرەكتورى دانيەل سەرجان ۇلى.