تەگىن اۆتوبۋستار جانە مەترو جۇمىسىن ۇزارتۋ: الماتىدا ۋەفا ماچىنان سوڭ كولىك قوزعالىسى قالاي ۇيىمداستىرىلادى؟

الماتىدا «قايرات» (الماتى) جانە «رەال مادريد» (مادريد) كوماندالارى اراسىنداعى فۋتبول ماچىنىڭ جانكۇيەرلەرىنە ىڭعايلى بولۋ ءۇشىن تەگىن اۆتوبۋستار جۇرەدى، - دەپ حابارلايدى Aqshamnews.kz.

قالا اكىمدىگىنىڭ دەرەگىنشە، تەگىن اۆتوبۋس مارشرۋتتارى ورتالىق ستاديوننان ماچ اياقتالعاننان كەيىن نەگىزگى نۇكتەلەرگە دەيىن جۇرەدى. بارلىعى 60 اۆتوبۋس جولعا شىعىپ، 6 نۇكتەگە دەيىن  قاتىنايدى:

ورتالىق ستاديون – «الماتى ارەنا» (تاقتايشا – ا1، جۇرەتىن ورنى – اباي داڭعىلى باتىس باعىتتا)؛

ورتالىق ستاديون – رايىمبەك/الاتاۋ (تاقتايشا – ا2، جۇرەتىن ورنى – اباي داڭعىلى باتىس باعىتتا)؛

ورتالىق ستاديون – «الماتى -1 ۆوكزالى» ت/ج (تاقتايشا – ا3، جۇرەتىن ورنى – سولتۇستىك باعىتتاعى بايتۇرسىنوۆ كوشەسى)؛

ورتالىق ستاديون – وربيتا ش/ا (تاقتايشا – ا4، جۇرەتىن ورنى – وڭتۇستىك باعىتتاعى بايتۇرسىنوۆ كوشەسى)؛

ورتالىق ستاديون-جۇلدىز ش/ا (تاقتايشا – ا5، جۇرەتىن ورنى – شىعىس باعىتتاعى اباي داڭعىلى)؛

ورتالىق ستاديون – اۋەجاي (تاقتايشا – ا6، جۇرەتىن ورنى – شىعىس باعىتتا اباي داڭعىلى)؛

سونىمەن قاتار، قالا مەتروسىنىڭ جۇمىسى تۇنگى ساعات 01:00-گە دەيىن ۇزارتىلادى. «بايقوڭىر» جانە «م. اۋەزوۆ اتىنداعى تەاتر» بەكەتتەرىندە ماچ وتكىزۋ كەزىندە جولاۋشىلاردى ءقاۋىپسىز  تاسىمالداۋ جانە ساپالى قىزمەت كورسەتۋ ءۇشىن قىزمەتكەرلەر سانى  كۇشەيتىلەدى.