ترامپ پەن نەتانياحۋ سوعىستى توقتاتۋ تۋرالى كەلىسىمگە كەلگەن، - دەپ حابارلايدى Aqshamnews.kz.
بۇل تۋرالى ۆۆس باسىلىمى حابارلاعان.
اقش پرەزيدەنتى يزرايل پرەمەر-مينيسترىنە گازا سەكتورىنداعى سوعىستى توقتاتۋ جوسپارىنا كەلىسكەنى ءۇشىن العىس ءبىلدىرىپ وتىر.
– بۇل – الەۋەتتى وركەنيەت تاريحىنداعى ەڭ ۇلى كۇندەردىڭ ءبىرى. سوعىس توقتاتۋ، بۇگىن – الەم ءۇشىن تاريحي كۇن، – دەپ تەبىرەندى ترامپ.
ەكى ەل كوشباسشىلارىنىڭ كەزدەسۋى باستالماس بۇرىن اق ءۇي 21 نەگىزگى تارماقتى قامتيتىن جانە گازانىڭ كورشىلەرىنە ءقاۋىپ توندىرمەيتىن جوسپاردى جاريالادى.
ترامپتىڭ سوزىنشە، جوسپارعا كوپتەگەن ەل ۇلەسىن قوسقان. ول ەۋروپاداعى وداقتاستارمەن بىرگە وسى ۇسىنىستى ازىرلەۋدە قولداۋ كورسەتكەنى ءۇشىن اراب جانە مۇسىلمان ەلدەرىنىڭ كوشباسشىلارىنا العىسىن جاۋدىردى.
جوسپار سونداي-اق جەرگىلىكتى پوليسيانى وقىتۋدى قامتيدى، ال يزرايل قورعانىس ارمياسى گازادان اسكەرلەردى كەزەڭ-كەزەڭىمەن شىعارۋى كەرەك.
اقش پرەزيدەنتى "تاياۋ شىعىستاعى بەيبىتشىلىككە" جەتۋ ءۇشىن نەتانياحۋمەن الدە دە بىتەقايناسىپ جۇمىس ىستەيتىنىن ايتقان.
تاعى ءبىر ايتا كەتەرلىگى، قوس ەلدىڭ كوشباسشىسىنىڭ باسپا ءسوز ءماسليحاتى ءبىر ساعاتتان اسا ۋاقىت كەشىگىپ باستالدى. وعان باستى سەبەپ – ترامپتىڭ ءوتىنىشى بويىنشا نەتانياحۋدىڭ قاتارعا قوڭىراۋ شالۋى. ول قىركۇيەك ايىنىڭ باسىندا دوحاداعى حاماس نىساندارىنا ءيزرايلدىڭ زىمىران سوققىسى بايقاۋسىزدا قاتار اسكەري قىزمەتكەرىنىڭ ولىمىنە اكەلىپ سوقتىرعانى ءۇشىن كەشىرىم سۇراعان.