جالپىقالالىق سەنبىلىككە شىققانداردىڭ كوڭىل-كۇيى وتە جوعارى.
الماتىنىڭ جەلتوقسان ساياباعىندا ءوتىپ جاتقان سەنبىلىككە تانىمال ءانشى التاي وكتەم دە قاتىسىپ، پارك ايماعىندا تال ەككەن ادامداردىڭ قاتارىندا بولدى، دەپ حابارلايدى اlmaty-akshamy.kz.
- بۇگىن قالا بويىنشا سەنبىلىككە جينالىپ، سونداي ءبىر كەرەمەت مەرەكەنىڭ، مەيرامنىڭ ۇستىنە كەلىپ جاتقانىما وتە قۋانىشتىمىن. كوڭىل-كۇيىمىز وتە جوعارى. ويتكەنى قولعا كۇرەك ۇستاعان كەزدە، بويدا قان تاراپ، اتقا مىنگەن قازاق قۇساپ دەلەبەن قوزادى عوي. بالا كەزدەگى ۇستاعان كۇرەكتى ءقازىر دە ۇستاپ، قالانىڭ تازالىعىنا، جالپى تابيعاتىمىزدىڭ وسۋىنە، اعاشتاردىڭ جاپىراق جايۋىنا ۇلەس قوسىپ، تال ەگىپ جاتقان جايىمىز بار. قازاق «ءبىر تال كەسسەڭ، ون تال ەك» دەپ ايتادى عوي، بۇگىن حالىق اراسىندا جەلتوقسان ساياباعىندا تال ەگىپ جاتقانىما قۋانىشتىمىن، - دەدى التاي وكتەم.