اقمولا وبلىسىندا رەسپۋبليكالىق «تازا قازاقستان» اكسياسى ءبىر جىل ىشىندە تۇراقتى قوعامدىق قوزعالىسقا اينالدى. جۇزدەگەن تۇرعىندار كوپا كولى مەن قىلشاقتى وزەنىن، سونداي-اق ءوڭىردىڭ باسقا دا تابيعي اۋماقتارىن تازارتۋعا بەلسەندى قاتىسۋدا.
مامىردا كوكشەتاۋدا وتكەن #جاسىلChallenge فلەشموبىنا 200-دەن استام ستۋدەنت پەن ەرىكتى قاتىسىپ، اعاش كوشەتتەرىن وتىرعىزدى. جازدا جانە تامىزداعى پلوگينگ شاراسىندا ونداعان قاپ قوقىس جينالدى. سەنبىلىكتەرگە جاستارمەن بىرگە زەينەتكەرلەر مەن وتباسىلار دا شىقتى.
اۋدانداردا دا اۋقىمدى جۇمىستار اتقارىلۋدا. اقكولدە ءبىر جىلدىڭ ىشىندە 130-دان استام سەنبىلىك ءوتىپ، 10 مىڭ توننا قوقىس شىعارىلدى، 500 اعاش پەن 25 مىڭ گۇل ەگىلدى. بۋرابايدا «جاسىل ەل» جاساقتارى ششۋچە كولىنىڭ جاعالاۋىن تازارتتى.
ەكولوگيالىق باستاما ءوڭىر تۇرعىندارى ءۇشىن ءومىر سالتىنا اينالىپ كەلەدى. «تازا قازاقستان» – تابيعاتقا دەگەن جاۋاپكەرشىلىكتىڭ، ۇرپاققا ۇلگى كورسەتۋدىڭ جارقىن كورىنىسى.