تاۋەلسىزدىك – اتا-بابامىزدىڭ اسىل ارمانى، ۇلتتىڭ ۇلى مۇراتى. وسى قاسيەتتى كۇندى ۇلىقتاۋ ماقساتىندا №110 مەكتەپ-گيمنازياسىندا «تاۋەلسىزدىك جالىنى – جۇرەگىمىزدە»اتتى رۋحاني-پاتريوتتىق باعىتتاعى مەرەكەلىك ءىس-شارا ءوتتى. بۇل تەك مەرەكەلىك كەش قانا ەمەس، بۇل – ۇلت نامىسى ءۇشىن باسىن بايگەگە تىككەن ەرلەرگە تاعزىم، ازاتتىقتى ارمان ەتكەن جاستارعا ىشتەي ەسكەرتكىش ورناتۋ بولدى. ءىس-شارا بارىسىندا وقۋشىلار ەڭ الدىمەن 1986 جىلعى جەلتوقسان وقيعاسىنىڭ كۋاگەرلەرىمەن جۇزدەستى.«ايبىن» وردەنىنىڭ يەگەرى، قازاقستان رەسپۋبليكاسىنىڭ ءبىلىم سالاسىنىڭ قۇرمەتتى قىزمەتكەرى،ارداگەر، پاتريوتتىق قوزعالىس «جەلتوقسان اقيقاتى» رەسپۋبليكالىق قوعامدىق بىرلەستىگىنىڭ جەتىسۋ اۋداندىق فيليالىنىڭ جەتەكشىسى سماگۋلوۆ تۋكەن جۋمابەك ۇلى مەن ۇيىم مۇشەسى،ارداگەر قاسقاباسوۆ قاسىم السەيت ۇلى سول ءبىر زۇلمات كۇندەردىڭ شىندىعىنا تەرەڭ بويلاپ، ار مەن نامىس ءۇشىن الاڭعا شىققان بوزداقتاردىڭ كوز جاسىن، جان ايقايىن جۇرەككە جەتكىزە اڭگىمەلەپ بەردى.سونداي-اق مەكتەبىمىزدىڭ اعا وقىتۋشىلارى، «جەلتوقسان وقيعاسىنىڭ» قاتىسۋشىلارى ساليموۆا كۇلاش سابەنوۆنا مەن سارسەنبينا ليايليا ساگمانوۆنانىڭ اڭگىمەسىنەن الاڭداعى مۇزعا توڭىپ، نامىستان جانعان جاستاردىڭ كۇرەسى – بۇگىنگى ۇرپاق ءۇشىن ۇلى ساباق ەكەنىن ءتۇسىندى. كەزدەسۋ كەزىندە ولار تاريحي ساتتەرگە شولۋ جاساپ، ەل تاۋەلسىزدىگى جولىنداعى كۇرەس پەن سول كۇندەردىڭ اۋىر دا، ابىرويلى جۇگىن باياندادى. وقۋشىلار جەلتوقسانشىلاردىڭ باتىرلىعى مەن قايسارلىعىنا ءتانتى بولىپ، كوكەيدەگى سۇراقتارىن قويىپ، اشىق-جارقىن سۇحبات قۇردى.
مەرەكە بارىسىندا وقۋشىلار جەلتوقسان كوتەرىلىسىن كورىنىس ارقىلى ساحنالاپ، سول ءبىر سىندارلى ساتتەردى شىنايى بەينەلەپ كورسەتتى. سول كەزەڭدەگى جاستاردىڭ ەرىك-جىگەرىن، ادىلەتسىزدىككە قارسى تۇرعان تاباندىلىعىن، ۇلتقا دەگەن ماحابباتىن تەبىرەنىسپەن جەتكىزدى بۇل كورىنىس وقۋشىلاردىڭ جۇرەگىنە جول تارتىپ، پاتريوتتىق سەزىمىن وياتتى. سونىمەن قاتار، شارا اياسىندا «ارعىماق» توبى پاتريوتتىق اندەرءىن ورىنداپ، كورەرمەندەردى باۋراپ الدى. جاس ونەرپازدار «مەنىڭ قازاقستانىم»، «جەلتوقسان جەلى»، «رۋح» سىندى اندەرءدى شىرقادى. ءىس-شارا بارىسىندا تاۋەلسىز ەلىمىزدىڭ بۇگىنگى جەتىستىكتەرى مەن ۇرپاق الدىنداعى جاۋاپكەرشىلىگى تۋرالى ويلار ايتىلىپ، تاۋەلسىزدىك – ماڭگىلىك قۇندىلىق ەكەنى تەرەڭ ناسيحاتتالدى.
مەرەكەلىك كەش سوڭىندا مەكتەپ ديرەكتورى رۋفينات بەكدايىر قىزى قوناقتار مەن ۇيىمداستىرۋشىلارعا العىس ءبىلدىرىپ،قۇتتىقتاۋ جولدادى.كەش قوناقتارى دا باتاسىن بەرىپ، ەل بولاشاعى – جاس ۇرپاقتىڭ بويىنداعى رۋح پەن جىگەر ەكەندىگىن جەتكىزدى.
سونىمەن قاتار مەكتەبىمىزدىڭ جاس سۋرەتشىلەرى «سۋرەت كورمەسىن» ۇيىمداستىرىپ،تاۋەلسىزدىگىمىزدىڭ نىشانى بولعان ۇلتتىق رامىزدەرىمىزدى بەينەلەدى.سپورت زالدا دەنە شىنىقتىرۋ ءپانى مۇعالىمدەرىنىڭ باستاماسىمەن «ۇلتتىق ويىندار» اتتى اتا-انالاردىڭ قاتىسۋىمەن سايىس ءوتءتى.كىتاپحانامىزدا «تاۋەلسىزدىك-ەل تىرەگى» تاقىرىبىندا مانەرلەپ وقۋ جارىسى، ال باستاۋىش سىنىپتاردا پاتريوتتىق باعىتتاعى اشىق ساباقتار وتكىزىلدى. ەستە قالارلىقتاي ادەمى ساتتەر مەن ساليقالى سۇقباتتاردى «الماتV» تەلەارناسى قىزمەتكەرلەرى بەينەتاسپاعا ءتۇسىرىپ، كوگىلدىر ەكران ارقىلى كوپشىلىكتىڭ نازارىنا ۇسىندى.
وسىنداي تاعىلىمى مول، رۋحتى كوتەرەتىن كەزدەسۋلەر مەن مەرەكەلىك شارالار جاس ۇرپاقتىڭ بويىنا وتانعا دەگەن سۇيىسپەنشىلىكءتى سىڭىرۋدە ۇلكەن ءرول اتقارادى. سەبەبى، تاۋەلسىزدىك جالىنى – ءار قازاقتىڭ جۇرەگىندە!