كەشە 2023 جىلعى 3 تامىزدا ساعات 19:35-تە ىلە الاتاۋى تاۋلارىندا شەتەلدىك ەرلى-زايىپتىلار باشۋت شىڭىنان وزدىگىنەن تۇسە المايتىنى تۋرالى اقپارات كەلىپ ءتۇستى. ەرلى-زايىپتىلار 112 نومىرىنە قوڭىراۋ شالىپ، قۇتقارۋشىلاردىڭ كومەگىنە جۇگىندى، دەپ حابارلايدى Almaty-akshamy.kz.
زارداپ شەككەندەردى ىزدەۋگە تجم رەسپۋبليكالىق جەدەل-قۇتقارۋ جاساعىنىڭ توبى مەن قالاداعى قۇتقارۋ قىزمەتىنىڭ قۇتقارۋشىلارى شىقتى.
ساعات 20:45-تە تۋريست تاۋدا جۇرگەن جاستاردىڭ كومەگىمەن بايلانىسقا شىقتى. ولار تەلەفون ارقىلى قۇتقارۋشىلارعا ناقتى تۇرعان ورىندارىن ايتتى. ساعات 23:36-دا قۇتقارۋشىلار زارداپ شەككەندەرگە جەتتى. ەشكىم مەديسينالىق كومەككە مۇقتاج ەمەس. تۋريستەردى مەدەۋگە دەيىن جەتكىزدى.
پولشانىڭ ەكى ازاماتى، 1987 جىلى تۋعان ايەل ادام مەن 1983 جىلى تۋعان ەر ادام قۇتقارىلدى. شەتەلدىك ازاماتتار قۇتقارۋشىلارعا العىس ءبىلدىردى.
تجم قۇتقارۋشىلارى ەسكە سالادى: تاۋعا شىقپاس بۇرىن تۋريستىك مارشرۋتتى زەرتتەپ، فيزيكالىق مۇمكىندىكتەرىڭىزدى باعالاڭىزدار. ەگەر سىزگە كومەك قاجەت بولسا، 112، 109 نەمەسە 8(727) 372-15-60 (ق ر تجم رەسپۋبليكالىق جەدەل-قۇتقارۋ جاساعى مم كەزەكشى-ديسپەچەرلىك بولىمشەسى) قوڭىراۋ شالۋ قاجەت.