"حالىق ۇنىنە قۇلاق اساتىن مەملەكەت" تۇجىرىمداماسىن ىسكە اسىرۋ شەڭبەرىندە ق ر دەنساۋلىق ساقتاۋ مينيسترلىگى ازاماتتاردىڭ وتىنىشتەرى مەن قابىلداۋى بويىنشا ەسەپ بەردى، دەپ حابارلايدى Almaty-akshamy.kz.
2023 جىلدىڭ 1 جارتىجىلدىعىندا ۆەدومستۆو "ە-وتىنىش" اج، "Documentolog" اج، ق ر دسم رەسمي ينتەرنەت-رەسۋرسى، ق ر دەنساۋلىق ساقتاۋ ءمينيسترىنىڭ "اشىق ديالوگ"پورتالىنىڭ بلوگ-پلاتفورماسى ارقىلى كەلىپ تۇسكەن جەكە جانە زاڭدى تۇلعالاردىڭ 15 مىڭنان استام وتىنىشتەرىن قارادى.
سونداي-اق، ق ر دسم رەسمي ينتەرنەت-رەسۋرستا بەكىتىلگەن جانە ورنالاستىرىلعان كەستەگە سايكەس 1 جارتىجىلدىقتا مينيسترلىك باسشىلىعىنىڭ 37 قابىلداۋى ۇيىمداستىرىلدى، 314 ادام قابىلداندى.
سونىمەن قاتار، مينيسترلىكتىڭ رەسمي ينتەرنەت-رەسۋرسىندا ورنالاستىرىلعان 74-37-27 "سەنىم تەلەفونى" جانە 74-32-43، 74-32-40 انىقتاما تەلەفوندارىنىڭ جۇمىسىنا قاتىستى 2400-دەن استام قوڭىراۋ قابىلداندى، ال مينيسترلىكتىڭ قوعامدىق قابىلداۋ بولمەسىندە 478 ءوتىنىش بەرۋشى قابىلداندى.
وتىنىشتەردى تالداۋ نەگىزىندە ەڭ وزەكتى ماسەلەلەر بولىنەدى:
- دەنساۋلىق ساقتاۋ جانە سانيتاريا سالاسىنداعى وتىنىشتەر بويىنشا جوسپاردان تىس تەكسەرۋدى ۇيىمداستىرۋ؛
- امبۋلاتوريالىق-ەمحانالىق كومەك؛
- دارىلىك زاتتاردى قازاقستاندىق دارىلىك فورمۋليارعا قوسۋ؛
- مۇگەدەكتىگى بار ادامدارعا مەديسينالىق قىزمەت كورسەتۋ.
"ءبىزدىڭ ورتاق مىندەتىمىز – ازاماتتاردىڭ بارلىق سىندارلى سۇرانىستارىنا جەدەل ءارى ءتيىمدى جاۋاپ بەرەتىن" حالىق ۇنىنە قۇلاق اساتىن مەملەكەت " تۇجىرىمداماسىن ىسكە اسىرۋ. بيلىك پەن قوعامنىڭ تۇراقتى ديالوگى ارقىلى عانا قازىرگى گەوساياسات كونتەكستىنە ەنگەن ۇيلەسىمدى مەملەكەت قۇرۋعا بولادى"،-دەپ اتاپ ءوتتى مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا.