بۇگىن «سەمەي ورمانى» رەزەرۆاتىندا قىزمەتتىك بورىشىن وتەۋ كەزىندە قازا تاپقان ورمان شارۋاشىلىعى قىزمەتكەرلەرىنە ارنالعان مەموريالدىق تاقتانىڭ سالتاناتتى اشىلۋى ءوتتى، دەپ حابارلايدى Almaty-akshamy.kz.
مەموريالدىق تاقتانى اشۋ قۇرمەتىن ورمان شارۋاشىلىعىنىڭ ارداگەرى، نوۆايا-شۋلبا فيليالى سەنترالنوە ورمانشىلىقتىڭ شەبەرى الەكساندر سەرگەيەۆيچ رەشەتين قابىلدادى.
ورمان ورتىمەن كۇرەسكەن باتىرلاردىڭ قۇرمەتىنە مەكەمە ۇجىمى مەن جاقىن تۋىستارى باستارىن ءيىپ، ءبىر مينۋت ۇنسىزدىك جاريالاپ، گۇل شوقتارىن قويدى.
«الاپات ورتتەردەن ورماندى جانە ادامداردى قورعاۋدا قازا تاپقان باتىرلاردىڭ ەرلىگى ۇمىتىلماۋى ءۇشىن، ورمانداردى ساقتاۋ مەن قورعاۋداعى اۋىر دا، ءقاۋىپتى ەڭبەكتى كەلەشەك ۇرپاقتىڭ جادىندا ساقتاۋ ءۇشىن، ەرلىك كورسەتكەن ارىپتەستەرىمىزدىڭ ەسىمدەرى جازىلعان مەموريالدىق تاقتا ورناتتىق. ءومىر – ەڭ قىمبات قازىنا. ەشكىم دە، ەشتەڭە دە ۇمىتىلمايدى. ولار ءبىزدىڭ جادىمىزدا ماڭگى ساقتالادى»، - دەدى «سەمەي ورمانى» مەملەكەتتىك ورمان تابيعي رەزەرۆاتى» باس ديرەكتورىنىڭ م.ا. اسەمگۇل نىسامبەكوۆا.