ءتارتىپ ساقشىلارىنىڭ زاڭسىز ارەكەتى بويىنشا قايدا شاعىمدانۋعا بولادى؟

الماتى پوليسياسى وسىنداي جاعدايدا قالاي ارەكەت ەتۋ كەرەكتىگىن ايتتى.

وزىندىك قاۋىپسىزدىك باسقارماسىندا كەلىپ تۇسكەن قوڭىراۋلاردى ەسەپكە الۋ اۆتوماتتى تۇردە جۇرگىزىلەدى. بۇل دابىلدارعا جىلدام جاۋاپ بەرۋگە مۇمكىندىك بەرەدى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«ءوقب-دا سەنىم تەلەفونى كوپ جىل بويى جۇمىس ىستەپ كەلەدى. بۇل ىشكى ىستەر ورگاندارى قىزمەتكەرلەرى تاراپىنان قۇقىقتارى بۇزىلعان ازاماتتارمەن قارىم-قاتىناس جاساۋدىڭ ءتيىمدى الاڭى. بۇل باعىتتىڭ نەگىزگى مودەراتورى – ءبىزدىڭ بولىمشە. 8-707-927-67-69 ءنومىرى تاۋلىك بويى قوڭىراۋلاردى قابىلدايدى. سونىمەن قاتار پوليسيا قىزمەتكەرلەرىنىڭ زاڭسىز جانە ادەپسىز ارەكەتتەرى انىقتالعان جاعدايدا http:egov.kz ەلەكتروندى ۇكىمەت پورتالى جانە باسقا دا قولجەتىمدى اقپاراتتىق رەسۋرستار ارقىلى ارىز/ءوتىنىش قالدىرۋعا بولاتىنىن ەسكەرتەمىز. پوليسيا قىزمەتكەرلەرىنىڭ ارەكەتىنە قاتىستى ازاماتتاردىڭ ءاربىر ارىزى جان-جاقتى تەكسەرىلىپ، ساراپتاۋدان وتەدى»، – دەدى الماتى قالالىق پد وزىندىك قاۋىپسىزدىك باسقارماسىنىڭ باستىعى ەرىك جۇماباي.

پوليسيا دەپارتامەنتى تاجىريبەدە قىزمەتتەر مەن بولىمشەلەر قىزمەتكەرلەرىنىڭ قىزمەتىن باقىلاۋدىڭ بىرنەشە تۇرلەرى بار ەكەنىن اتاپ ءوتتى.

«ماسەلەن، كەۋدەگە ارنالعان بەينەتىركەگىشتەردىڭ كومەگىمەن ءبىز جول پوليسياسى ينسپەكتورلارىنىڭ جۇمىس ساپاسىن تەكسەرىپ قانا قويماي، داۋلى ماسەلەلەردى شەشۋگە مۇمكىندىك الامىز. سونىمەن قاتار بۇل سىبايلاس جەمقورلىق تاۋەكەلدەرىن جويۋدىڭ ايتارلىقتاي ءتيىمدى شاراسى. سونداي-اق ازاماتتاردىڭ كونستيتۋسيالىق قۇقىقتارىن مۇلتىكسىز ساقتاۋ، ولاردىڭ قىلمىستىق جانە اكىمشىلىك قۋدالاۋ وربيتاسىنا نەگىزسىز تارتىلۋىنا جول بەرمەۋ ماسەلەلەرى ق ر ءىىم مەن الماتى قالالىق پد باسشىلىعىنىڭ تۇراقتى باقىلاۋىندا ەكەنىن حابارلايمىز»، – دەدى ە.جۇماباي.