قازاق ۇلتتىق اگرارلىق زەرتتەۋ ۋنيۆەرسيتەتى ءوز قىزمەتكەرلەرىنىڭ ەڭبەكاقىسىن كوتەرەدى
كەز كەلگەن ۋنيۆەرسيتەتتىڭ باسەكەلەستىك ارتىقشىلىقتارىن جاساۋ جانە ونى سول دەڭگەيدە ۇستاپ تۇرۋ، ەڭ الدىمەن، ونىڭ باسەكەگە قابىلەتتى لايىقتى ەڭبەكاقى الاتىن كادرلارىنا بايلانىستى.
قازۇازۋ باسپا ءسوز قىزمەتىنىڭ حابارلاۋىنشا، قازىرگى ۋاقىتتا "قازاق ۇلتتىق اگرارلىق زەرتتەۋ ۋنيۆەرسيتەتى» كەاق-تا وقيتىن ستۋدەنتتەر كونتينگەنتى شامامەن 6500 ادامدى قۇرايدى، ال پروفەسسور-وقىتۋشىلار قۇرامى (پوق)، اكىمشىلىك - باسقارۋشى پەرسونال (ءابپ)، وقىتۋ-كومەكشى پەرسونال (وكپ)، قىزمەت كورسەتەتىن (قك) قۇرامنىڭ سانى 1800 ادامدى قۇرايدى، ياعني 3-4 ستۋدەنتكە ءبىر قىزمەتكەردەن كەلەدى.
مۇنداي جاعدايدا ۋنيۆەرسيتەتتى ءتيىمدى باسقارۋ تۋرالى ءسوز ايتۋدىڭ ءوزى مۇمكىن ەمەس.
سوندىقتان قازۇازۋ باسقارماسى ءابپ، وكپ جانە قك سانىن ايتارلىقتاي قىسقارتۋ تۋرالى شەشىم قابىلدادى.
سونىمەن قاتار، ۋنيۆەرسيتەت باسشىلىعىنىڭ ۇسىنىسى بويىنشا، ديرەكتورلار كەڭەسىنىڭ شەشىمىنە سايكەس قازۇازۋ باسقارماسىنىڭ سانى 10-نان 6 ادامعا دەيىن قىسقاردى، ورىنباسارلاردىڭ، پرورەكتورلاردىڭ جانە باسقا دا باسشى كادرلاردىڭ سانى ەكى ەسەگە ازايدى.
قىسقارتىلۋعا تۇسكەن بارلىق شتاتتىق قىزمەتكەرلەرگە قولدانىستاعى زاڭناماعا سايكەس ءبىر اي بۇرىن حابارلامالار بەرىلدى، ءارى جۇمىستان شىعۋ جاردەماقىلارى تولىق تولەنەتىنىن اتاپ وتكەن ءجون.
باسقارۋ شتاتىن مۇنداي وڭتايلاندىرۋ ۋنيۆەرسيتەتكە 2022 جىلعى 1 قازاننان باستاپ پروفەسسور-وقىتۋشىلار قۇرامىنىڭ جالاقىسىن 25%-عا ارتتىرۋعا، ال اعىمداعى جىلدىڭ 22 جەلتوقسانىنان باستاپ ءابپ، وكپ، قك جالاقىسىن 25%-عا ارتتىرۋعا مۇمكىندىك تۋعىزدى. جاڭا 2023 جىلى رەيتينگتىك باعالاۋ نەگىزىندە ۋنيۆەرسيتەت قىزمەتكەرلەرىنىڭ ەڭ بەلسەندى بولىگىنىڭ ءتيىمدى ەڭبەك ۇلەسىن ەسكەرە وتىرىپ، ءابپ، وكپ، قك قۇرامىنىڭ جالاقى مولشەرىن 40-50%-عا دەيىن جانە ودان دا كوپ ۇلعايتۋعا مۇمكىندىك بەرەتىن ىنتالاندىرۋ جۇيەسىن ەنگىزۋ جوسپارلانۋدا.
قازۇازۋ-دىڭ تۇپكى ماقساتى – پروفەسسور-وقىتۋشىلار قۇرامى مەن جوو قىزمەتكەرلەرىنىڭ ەڭبەكاقىسىن ەلىمىزدىڭ جەتەكشى ۋنيۆەرسيتەتتەرىنىڭ دەڭگەيىنە كوتەرۋ.