الماتىداعى 28 پانفيلوۆشىلار پاركىندە م.ەسبولاتوۆ اتىنداعى ق ر ىشكى ىستەر اكادەمياسىنىڭ وقۋعا قابىلدانعان كۋرسانتتارىنىڭ انت قابىلداۋ ءراسىمى ءوتتى. اكادەميا كۋرسانتتارىنىڭ ءبىرىنشى جاۋاپتى ءىس-شاراسىنا اكادەميا باسشىلىعىنان باستاپ، ىشكى ىستەر سالاسىنىڭ ارداگەرلەرى، گەنەرالدار، كۋرسانتتاردىڭ تۋىستارى، شەتەلدىك قوناقتار كەلىپتى. 28 پانفيلوۆشىلار پاركىنە كەلعەن حالىق كوپ بولدى. انت قابىلداۋعا كەلگەن كۋرسانتتاردىڭ بويىنان العاشقى كۇننەن باستاپ ءتارتىپ پەن جاۋاپكەرشىلىك سەزىلىپ تۇردى. ەلدىڭ ءتارتىپ پەن قاۋىپسىزدىگىنە جاۋاپتى بولاتىن جاڭا بۋىننان اكادەميا باسشىلىعى سالانىڭ ارداگەرلەرى، گەنەرالدار انت قابىلدادى.
ءىس-شاراعا شەتەلدىك قوناقتار دا كەلىپتى. جەر-جەردەن كەلگەن اتا-انالار بولسا ۇل-قىزدارىنىڭ ازامات بولۋىنىڭ العاشقى قادامدارىنىڭ كۋاسى بولدى.
شىرىنكۇل بايجۇمانوۆا، الماتى وبلىسى ۇيعىر اۋدانىن تۇرعىنى، كۋرسانتتىڭ اجەسى:
- بۇگىن مەنىڭ نەمەرە قىزىم اقبوتا قۋانىش انت قابىلداپ جاتىر. ءبىزدىڭ ءبىر «تاقىم قىسقان» ءساتىمىز. وسى سالانى تاڭداعان بوتاما بولاشاقتا مەملەكەتتىڭ مىقتى مامانى بولادى دەپ سەنىم ارتىپ وتىرمىز. ەلىمىزدىڭ ءتارتىبى مەن قاۋىپسىزدىگىنە جاۋاپتى بولاتىن ماماندار جاقسى ءبىلىم الىپ، ىشكى ءتارتىپتىڭ ۇلگىسىن كورسەتسە بولدى. بالاپانىمدى ءبىر اللاعا، وقىتۋشىلارىنا تاپسىردىم.
شىرىنكۇل اجەنىڭ ايتقانىن وسى ءىس-شاراعا كەلگەن بارلىق اتا-انانىڭ ءسوزى دەپ قابىلدادىق. انت قابىلداۋ ءراسىمى جوعارعى دەڭگەيدە، تارتىپپەن ءوتتى. ءبىز بولساق قولباسشى ب.مومىش ۇلى ايتقانداي «تارتىپكە باعىنعان قۇل بولمايتىن» ەلدىڭ بولاشاعىن كوردىك. جاس بۋىننىڭ بولاشاعى جارقىن بولسىن.