كەيدە ادام تاۋاردى ساتىپ الادى دا، ءبىراز كۇننەن كەيىن ول قايتارعىسى كەلەدى. ماسەلەن، كيىم جاراسپايدى، تۇرمىستىق تەحنيكا ىڭعايعا كەلمەيدى نەمەسە بالاعا ويىنشىق قىزىقسىز بولىپ قالادى. مۇنداي جاعدايدا دا تاۋاردى قايتارۋعا نەمەسە ايىرباستاۋعا بولادى. تولىعىراق Aqshamnews.kz ماتەريالىندا.
قاي كەزدە تاۋاردى قايتارۋعا بولادى؟
تاۋاردىڭ اقاۋى بولماسا، قازاقستان زاڭناماسى بويىنشا ساتىپ الۋشى ونى 14 كۇننىڭ ىشىندە ايىرباستاۋعا قۇقىلى. بۇل قۇقىق ق ر ازاماتتىق كودەكسىندە (454-باپ) جانە «تۇتىنۋشىلاردىڭ قۇقىقتارىن قورعاۋ تۋرالى» زاڭدا (30-باپ، 1-تارماق) بەكىتىلگەن.
شارتتارى:
-
تاۋار قولدانىلاعان بولۋى كەرەك؛
-
سىرتقى ءتۇرى، تۇتىنۋشىلىق ءپىشىنى ساقتالۋعا ءتيىس؛
-
پلومباسى، جاپسىرمالارى الىنباعان بولۋى قاجەت؛
-
چەك (قاعاز نەمەسە ەلەكتروندى) بولۋى قاجەت.
الدىمەن ساتۋشى ايىرباستاۋ جاساۋعا مىندەتتى. ەگەر قاجەت تاۋار بولماسا اقشانى قايتارۋعا ءتيىس (ق ر اك 454-باپ، 2-تارماق).
قايتارىلمايتىن تاۋارلار
زاڭدا ارنايى كورسەتىلگەن ءتىزىم بار. وندا:
-
دارىلىك زاتتار مەن مەديسينالىق بۇيىمدار؛
-
ىشكيىمدەر؛
-
شۇلىق-توقىما بۇيىمدارى؛
-
جانۋارلار مەن وسىمدىكتەر؛
-
ولشەپ ساتىلاتىن تاۋارلار (ماتا، تريكوتاج، توقىما، لينولەۋم، كابەل، ت.ب.)؛
-
ابونەنتتىك قۇرىلعىلار (ۇيالى بايلانىسقا ارنالعان).
بۇرىنعى زاڭدا بۇل تىزىمدە باسقا دا تاۋارلار بولعان: توسەك-جابدىق، التىن-كۇمىس اشەكەيلەر، پارفيۋمەريا.
ەسكەرەتىن جايتتار
-
تاعام تۇرلەرى قايتارىلمايدى. مىسالى، ساعىز بەن تەمەكى دە «ازىق-تۇلىككە» جاتادى، سوندىقتان قايتارىلمايدى.
-
ەگەر تاۋاردى قولدانىپ قويساڭىز، «تاۋار ءتۇرى بۇزىلدى» دەپ قابىلداماۋى مۇمكىن.
-
قايتارۋ مەرزىمى – 14 كۇن، ءارى ول ساتىپ الۋ كەلىسىمى جاسالعان كۇننەن باستاپ ەسەپتەلەدى.
ەگەر ساتۋشى قايتارۋدان باس تارتسا
ساتىپ الۋشى ق ر ساۋدا جانە ينتەگراسيا مينيسترلىگىنىڭ ساۋدا كوميتەتىنە نەمەسە e-Gov.kz ارقىلى شاعىم تۇسىرە الادى.
اكىمشىلىك جاۋاپكەرشىلىك (ق ر اقبتك 190-باپ، 5-تارماق):
-
جەكە تۇلعاعا – 5 اەك ايىپپۇل؛
-
شاعىن بيزنەسكە – 10 اەك؛
-
ورتا بيزنەسكە – 15 اەك؛
-
ءىرى بيزنەسكە – 25 اەك.
قايتارۋ مەرزىمى
زاڭدا ناقتى كورسەتىلمەگەن، ءبىراق جوندەۋ قاجەت بولماعاندىقتان، ساتۋشى اقشانى نەمەسە ايىرباستى بىردەن ورىنداۋعا ءتيىس.