ق ر پرەمەر-مينيسترىنىڭ ورىنباسارى تامارا دۇيسەنوۆا استاناداعى №101 ورتا مەكتەپتەگى العاشقى قوڭىراۋ شاراسىنا قاتىستى، دەپ حابارلايدى aqshamnews.kz.
ءبىلىم وشاعى مەملەكەت باسشىسىنىڭ تاپسىرماسى بويىنشا «جايلى مەكتەپ» ۇلتتىق جوباسى اياسىندا بيىل بوي كوتەرىپ، قولدانىسقا ەنگىزىلىپ وتىر.
ۆيسە-پرەمەر عيماراتتى تۇرعىزۋعا كۇش سالعان قۇرىلىسشىلارعا العىسىن ءبىلدىردى. مۇندا 4 مىڭنان اسا بالا ەكى اۋىسىمدا ءبىلىم الاتىن بولادى. ەسىلدىڭ سول جاعالاۋىندا ورنالاسقان ءبىلىم وشاعىندا 99 وقۋ كابينەتى قاراستىرىلعان، ونىڭ ىشىندە 6-اۋى كومپيۋتەرلىك، 10 مامانداندىرىلعان سىنىپ.
ودان بولەك، عيماراتتا 4 سپورت زالى، اسحانا، كىتاپحانا، پسيحولوگ بولمەسى دە بار. سىنىپتاردا ينتەراكتيۆتى تاقتالار ورناتىلعان. العاشقى وقۋ ماۋسىمىنا اياق باسقان مەكتەپتى ارالاعان تامارا دۇيسەنوۆا ۇستازدارعا ساتتىلىك تىلەدى.