الاتاۋ اۋدانىندا جاڭا “NurOrda” مەكتەبى اشىلدى، دەپ حابارلايدى aqshamnews.kz.
ءبىلىم ورداسىنىڭ اشىلۋ سالتاناتىنا الماتى اكىمىنىڭ ورىنباسارى ازامات قالدىبەكوۆ، قازاقستاندىق عالىم فيزيكا-ماتەماتيكا عىلىمدارىنىڭ دوكتورى اسقار جۇمادىلدايەۆ، مەكتەپ ۇستازدارى، وقۋشىلار مەن اتا-انالار قاتىستى.
- بىلتىر الاتاۋ اۋدانىندا 10،5 مىڭ بالاعا ارنالعان جاڭا 5 مەكتەپ اشىلدى. وسى جىلى پرەزيدەنتىمىز قاسىم-جومارت توقايەۆ باستاعان “جايلى مەكتەپ” ۇلتتىق جوباسى اياسىندا 6 مەكتەپتىڭ قۇرىلىسى ءجۇرىپ جاتىر. ودان بولەك قالالىق اكىمشىلىك “سايالى” جانە “زەردەلى” ىقشام اۋداندارىندا 2 مەكتەپتىڭ قۇرىلىسىن جۇرگىزىپ جاتىر. جالپى اۋدانداعى ورىن تاپشىلىعى ماسەلەسى بيىل تولىعىمەن شەشىلەدى. بۇگىن سىزدەردى قالا اكىمى ەربولات دوسايەۆتىڭ اتىنان قۇتتىقتاي وتىرىپ، اكىمشىلىك وسى مەكتەپتىڭ اۋلاسىنا اباتتاندىرۋ جۇمىستارىن ءوز موينىنا الاتىنىن حابارلايمىن، - دەدى ازامات قالدىبەكوۆ.
“NurOrda” مەكتەبىنىڭ ديرەكتورى مەحمەت جەلال جان ءبىلىم ورداسىندا 500-دەن استام بالا ءبىلىم الاتىنىن اتاپ ءوتتى.
- “NurOrda” مەكتەپ-ليسەيى بيىل اشىلىپ جاتىر. نەگىزى 800 وقۋشىعا ارنالعان، ءبىراق قازىرگى تاڭدا 1-10 سىنىپتار ارالىعىنداعى 525 وقۋشى ءبىلىم العالى وتىر. وقۋشىلارعا ساعات 8:30-دان 17:30-عا دەيىن قاراۋىمىزدا بولادى. كۇنىنە ءۇش مەزگىل بالالار وسىندا تاماقتانادى. بىزدە 20-عا جۋىق ۇيىرمەلەرىمىز بار، - دەدى ول.
