ەڭبەك جانە حالىقتى الەۋمەتتىك قورعاۋ مينيسترلىگى شىعىس قازاقستان شاحتاسىنداعى توپتىق جازاتايىم وقيعانىڭ سەبەپتەرىن تەكسەرۋ ءۇشىن ارنايى كوميسسيا قۇردى، دەپ حابارلايدى aqshamnews.kz.
مينيسترلىك شىعىس قازاقستان وبلىسىنىڭ كەنىشىندەگى 4 ادام قازا تاپقان توپتىق جازاتايىم وقيعانى تەكسەرۋ ءۇشىن ارنايى كوميسسيا قۇردى. كوميسسيانى شىعىس قازاقستان وبلىسىنىڭ باس مەملەكەتتىك ەڭبەك ينسپەكتورى باتىربەك قيزاتوۆ باسقارادى. ونىڭ قۇرامىنا تجم ونەركاسىپتىك قاۋىپسىزدىك كوميتەتى مەن دسم سانيتارلىق-ەپيدەميولوگيالىق باقىلاۋ كوميتەتىنىڭ اۋماقتىق دەپارتامەنتتەرىنىڭ، جۇمىس بەرۋشىلەر مەن جۇمىسكەرلەردىڭ وكىلدەرى كىردى، دەپ مالىمدەدى ۆەدومستۆو.
ەڭبەك مينيسترلىگى ۇجىمى قازا بولعانداردىڭ تۋىستارى مەن جاقىندارىنا قايعىرىپ كوڭىل ايتادى، – دەيدى باسپا ءسوز قىزمەتى.
جازاتايىم وقيعا وسى جىلدىڭ 31 تامىزىندا بولعان. ساعات 16.25-تە شىعىس قازاقستان وبلىسى التاي كەنتىندە، «ۆوستوكسۆەتمەت» ج ش س ەرتىس كەنىشىنىڭ «ەرتىس» شاحتاسىندا اۋىسىم كەزىندە بەلگىسىز زاتپەن ۋلانۋ بەلگىلەرى بار 4 جۇمىسكەردىڭ دەنەسى تابىلدى.
«ۆوستوكسۆەتمەت» ج ش س ەكى قىزمەتكەرى:
- ۇڭعىماشى ا.ب.باقىتوۆ، 1894 ج.ت.؛
- ۇڭعىماشى ا.ب.كەڭەسبايەۆ، 1989 ج.ت.
«شاحتستروي ينجينيرينگ» ج ش س مەردىگەر ۇيىمىنىڭ ەكى قىزمەتكەرى:
- ۇڭعىماشى ا.ت.جايرعازين، 1978 ج.ت.؛
- ۇڭعىماشى ا.ك.قۇسايىنوۆ، 1983 ج.ت.
كەيىن تاعى ءبىر وقىس وقيعا تىركەلدى.
كوميسسيا جازاتايىم وقيعالاردىڭ سەبەپتەرىن انىقتايدى.