ءبىلىم سالاسىنىڭ قاراجاتىن جىمقىرعان 21 ەسەپشىگە قاتىستى سوت ۇكىمى شىقتى.
جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى بيۋدجەت قاراجاتىن اسا ءىرى مولشەردە ۇرلادى دەگەن ايىپپەن تالدىقورعان قالالىق ءبىلىم ءبولىمىنىڭ 21 بۋحگالتەرىنە قاتىستى سوت ۇكىمىن شىعاردى، دەپ حابارلايدى almaty-akshamy.kz.
3 جىل بويى ءبىلىم ءبولىمىنىڭ باس ەسەپشىسى مەن ونىڭ قاراماعىنداعى بىرنەشە قىزمەتكەر جۇمىس ىستەمەيتىن ادامدارعا اقشا اۋدارىپ جۇرگەن. ولار ۇرلانعان 4،5 ملرد تەڭگەنى تۋىستارىنىڭ شوتىنا اۋدارىپ كەلگەن.
سوت بارىسىندا پروكۋرور ايىپتالۋشىلارعا 8 جىلدان 17 جىلعا دەيىن باس بوستاندىعىنان ايىرۋدى سۇرادى. سوت قىلمىستىق ءىستى ۇيىمداستىرعان باستى 3 ازاماتتى 12 جىلدان 15 جىلعا دەيىن باس بوستاندىعىنان ايىردى.
ال، قالعان 15 سوتتالۋشى 7 جىلدان 11 جىلعا دەيىن قامالدى.
سوتتالعانداردىڭ 3 ملرد تەڭگەدەن استام اقشالاي قاراجاتى مەن جىلجىمايتىن مۇلكى تاركىلەندى.