قازاقستان رەسپۋبليكاسى اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتى اباي وبلىسى سەمەي قالاسىنىڭ جەر قاتىناستارى بولىمىنە تەكسەرۋ جۇرگىزىپ، ناتيجەسىندە جەر تەلىمدەرىن بەرۋ كەزىندە جەر زاڭناماسىن بۇزۋ فاكتىلەرى انىقتالدى.
وسىلايشا، اكىمدىك تاراپىنان كونكۋرس (اۋكسيون) وتكىزبەي، جارنامالىق قۇرىلىمداردى ورناتۋ ءۇشىن جەر تەلىمدەرىن زاڭسىز بەرگەنى، سول ارقىلى ق ر جەر كودەكسىنىڭ 48-بابىنىڭ نورمالارىن بۇزعانى انىقتالدى، دەپ حابارلايدى almaty-akshamy.kz اۋىل شارۋاشىلىعى مينيسترلىگىنە سىلتەمە جاساپ.
اۋماقتىق دەپارتامەنت اباي وبلىسىنىڭ مامانداندىرىلعان اۋدانارالىق ەكونوميكالىق سوتىنا 0،045 گەكتار اۋماقتى قۇرايتىن 23 جەر ۋچاسكەسىن جالعا بەرۋ شارتىن جارامسىز دەپ تانۋ تۋرالى تالاپ ارىز جولدادى.
اباي اۋدانى مامانداندىرىلعان اۋدانارالىق ەكونوميكالىق سوتىنىڭ شەشىمىمەن تالاپ ارىز قاناعاتتاندىرىلدى.
اباي وبلىستىق سوتىنىڭ ازاماتتىق ىستەر جونىندەگى سوت القاسىنىڭ قاۋلىسىمەن ءبىرىنشى ساتىداعى سوتتىڭ قاۋلىسى وزگەرىسسىز قالدىرىلدى. سوت اكتىلەرى زاڭدى كۇشىنە ەندى.