سالىق تولەۋشى كوپ بىلگەن سايىن جىبەرەتىن قاتەلىكتەرى از بولادى!

الماتىنىڭ سالىق تولەۋشىلەرىنە 2023 جىلى نە وزگەرگەنى ايتىلدى

الماتى قالاسى بويىنشا مەملەكەتتىك كىرىستەر دەپارتامەنتىنىڭ مەملەكەتتىك قىزمەتتەر باسقارماسىنىڭ باسشىسى باقىتگۇل سەيىتوۆا وڭىرلىك كوممۋنيكاسيالار قىزمەتى الاڭىندا وتكەن بريفينگكە قاتىستى، وندا ول وزدەرىنىڭ ۆەدومستۆوسى  «سالىق تولەۋشى كوپ بىلگەن سايىن جىبەرەتىن قاتەلىكتەرى از بولادى!» دەگەن ۇراندى ۇستاناتىنىن اتاپ ءوتتى. ول 2023 جىلدىڭ باسىندا كۇشىنە ەنگەن وزگەرىستەر تۋرالى ايتىپ بەردى، دەپ حابارلايدى اlmaty-akshamy.kz.

سالىق كودەكسىنە شاعىن بيزنەس سۋبەكتىلەرى ءۇشىن ارناۋلى سالىق رەجيمىن قولدانۋ كەزىندە رۇقسات ەتىلمەگەن قىزمەت تۇرلەرىنىڭ تىزبەسىن تولىقتىرۋ بولىگىندە تۇزەتۋلەر ەنگىزىلدى.

 2023 جىلعى 1 قاڭتاردان باستاپ شاعىن بيزنەس سۋبەكتىلەرى ءۇشىن اسر (ارنايى سالىق رەجيمى) قولدانۋ كەزىندە رۇقسات ەتىلمەگەن قىزمەت تۇرلەرىن تولىقتىرۋ بولىگىندە سالىق كودەكسىنىڭ نورماسى كۇشىنە ەندى.

بۇل تىزبەنى تولىقتىرۋ، ەڭ الدىمەن، بيزنەستى بولشەكتەۋ جولىمەن سالىقتىق وڭتايلاندىرۋ سحەمالارىنىڭ الدىن الۋ (ونىڭ ىشىندە قوسالقى جالداۋ تەتىگىن پايدالانا وتىرىپ)، ونىڭ ىشىندە جەڭىلدەتىلگەن دەكلاراسيا نەگىزىندە ارناۋلى سالىق رەجيمدەرىن قولدانۋ ماقساتتارىمەن بايلانىستى.
 
شاعىن بيزنەس سۋبەكتىلەرى ءۇشىن اسر قولدانۋ بويىنشا شەكتەۋ مىنانداي قىزمەت تۇرلەرىنە قولدانىلادى:

- ماركەتينگتىك قىزمەتتەردى؛
- ساۋدا وبەكتىلەرىن جالعا بەرۋ جانە پايدالانۋ جونىندەگى،
- ساۋدا بازارلارىنا جاتاتىن ساۋدا وبەكتىلەرىن، ساۋدا الاڭى بەس ءجۇز شارشى مەتردەن اساتىن ستاسيونارلىق ساۋدا وبەكتىلەرىن، سونداي-اق ولاردىڭ اۋماعىنداعى ساۋدا ورىندارىن، ساۋدا وبەكتىلەرىن جانە قوعامدىق تاماقتانۋ وبەكتىلەرىن قوسالقى جالعا بەرۋ؛
- ەكى جانە ودان دا كوپ سالىق تولەۋشىلەردىڭ قوناق كۇتۋ قىزمەتتەر كورسەتىلەتىن ءبىر قوناق ءۇيدىڭ نەمەسە جەكە تۇرعان تۇرعىن ەمەس عيماراتتىڭ اۋماعىندا قوناق ءۇي قىزمەتتەرىن ۇسىنۋ سالاسىنداعى قىزمەتكە قولدانىلاتىن بولادى.

ساۋدا الاڭى بەس ءجۇز شارشى مەتردەن كەم ستاسيونارلىق ساۋدا وبەكتىلەرىنە جاتاتىن، ساۋدا وبەكتىلەرىن قوسالقى جالعا بەرەتىن سالىق تولەۋشىلەر، ونى قولدانۋدىڭ قالعان شارتتارىنا سايكەس كەلگەن كەزدە شاعىن بيزنەس سۋبەكتىلەرى ءۇشىن ارناۋلى سالىق رەجيمدەرىن قولدانۋعا قۇقىلى.

تيىسىنشە، شەكتەۋلەر ەنگىزىلگەن جوعارىدا اتالعان قىزمەت تۇرلەرىن جۇزەگە اسىراتىن كاسىپكەرلەر 2023 جىلى 1 قانتاردان باستاپ جالپىعا بىردەي بەلگىلەنگەن سالىق سالۋ تارتىبىنە كوشۋگە ءتيىس.

شاعىن بيزنەس سۋبەكتىلەرى ءۇشىن اسر قولدانۋعا تىيىم سالىنعان قىزمەت تۇرلەرى 
- قازاقستان رەسپۋبليكاسىنىڭ ساۋدا قىزمەتىن رەتتەۋ تۋرالى زاڭناماسىنا سايكەس ساۋدا بازارلارىنا، 1، 2 جانە 3-ساناتتاعى ستاسيونارلىق ساۋدا وبەكتىلەرىنە جاتاتىن ساۋدا وبەكتىلەرىن، سونداي-اق ولاردىڭ اۋماعىنداعى ساۋدا ورىندارىن، ساۋدا وبەكتىلەرىن جانە قوعامدىق تاماقتانۋ وبەكتىلەرىن، سونداي-اق وسىنداي قىزمەتتەر كورسەتىلەتىن ءبىر قوناق ءۇيدىڭ نەمەسە جەكە تۇرعان تۇرعىن ەمەس عيماراتتىڭ اۋماعىندا قوناق ءۇي قىزمەتتەرىن ۇسىنۋ سالاسىنداعى ەكى جانە ودان دا كوپ سالىق تولەۋشىلەردىڭ قوسالقى جالعا بەرۋ جونىندەگى قىزمەت تۇرلەرىن جۇزەگە اسىراتىن سالىق تولەۋشىلەر، شاعىن بيزنەس سۋبەكتىلەر ءۇشىن اسر قولدانۋعا قۇقىعى جوق ەكەنى كوزدەلەتىن 683-باپتىڭ 2-تارماعى 3) تارماقشاسىنىڭ ون ءتورتىنشى ابزاسىنا وزگەرتۋ ەنگىزىلدى (2023 جىلعى 1 قاڭتاردان باستاپ قولدانىسقا ەنگىزىلەدى)؛
- ءموبيلدى قوسىمشانى پايدالانا وتىرىپ جانە تىركەلگەن شەگەرىمدى پايدالانا وتىرىپ پاتەنت نەگىزىندە ءۇش ءتۇرلى اسر ەسەپتەلگەندىكتەن، رەداكسيانى ناقتىلاۋ بويىنشا سالىق كودەكسىنىڭ 684-بابى 1-تارماعىنىڭ ءبىرىنشى بولىگىنە وزگەرتۋ ەنگىزىلدى (2023 جىلعى 1 قاڭتاردان باستاپ قولدانىسقا ەنگىزىلەدى).
- ارنايى ءموبيلدى قوسىمشانى پايدالانا وتىرىپ، ارنايى سالىق رەجيمىن قولدانۋدىڭ باستالۋ كۇنى ارنايى موبيلدىك قوسىمشانى پايدالانا وتىرىپ، اسر قولدانۋ باستالعان كۇن، قولدانىلاتىن سالىق سالۋ رەجيمى تۋرالى حابارلاما بەرىلگەن كۇن بولىپ ەسەپتەلەتىنىن ناقتىلاۋدى كوزدەيتىن سالىق كودەكسىنىڭ 679-بابىنىڭ 8-تارماعى 2-1) تارماقشامەن تولىقتىرىلدى.

چەك بەرۋ جونىندەگى فۋنكسيونالدى پايدالانۋ بويىنشا
وڭايلاتىلعان دەكلاراسيا نەگىزىندە اسر قولداناتىن جەكە كاسىپكەر، كاسىپكەرلىك قىزمەتتى جۇزەگە اسىرۋ كەزىندە ءموبيلدى قوسىمشانىڭ فۋنكسيونالدىعىن پايدالانۋعا، اتاپ ايتقاندا چەك بەرۋ جونىندەگى فۋنكسيونالدى پايدالانۋعا قۇقىلى، ناقتىلاۋدى كوزدەيتىن سالىق كودەكسىنىڭ 686-1-بابىنىڭ 2-تارماعىنا، 3-تارماعىنىڭ 5)، 6)، 7)، 8) جانە 9) تارماقشالارىنا، 4-تارماعىنىڭ ءبىرىنشى بولىگىنە جانە 8-تارماعىنا وزگەرىستەر ەنگىزىلدى (2023 جىلعى 1 قاڭتاردان باستاپ قولدانىسقا ەنگىزىلەدى.

«سيفرلىق تەحنولوگيالاردى ەنگىزۋ ءبىز ءۇشىن باسىمدىق بولىپ تابىلادى. بارلىق قىزمەت سالالارىندا پروسەستەردى اۆتوماتتاندىرۋ بويىنشا جۇيەلى جۇمىستار جۇرگىزىلۋدە. بۇگىنگى تاڭدا الماتى قالاسى بويىنشا مەملەكەتتىك كىرىستەر دەپارتامەنتى جەكە جانە زاڭدى تۇلعالارعا مەملەكەتتىك كىرىستەر كوميتەتىمەن بەكىتىلگەن 43 مەملەكەتتىك قىزمەتتىڭ 20 ءتۇرىن كورسەتەدى. ماسەلەن، 2022 جىلى 3169 مىڭعا جۋىق مەملەكەتتىك قىزمەت كورسەتىلسە، ونىڭ 99،5 پايىزى ەلەكتروندى تۇردە بولسا، اعىمداعى جىلدىڭ قاڭتار ايىندا ەلەكتروندىق قىزمەتتەردىڭ ۇلەسى 99،7 پايىزعا دەيىن ءوستى. بۇل رەتتە ازاماتتاردىڭ زاماناۋي سۇرانىستارىن ەسكەرە وتىرىپ، سمارتفوندار ارقىلى مەملەكەتتىك قىزمەتتەردىڭ قولجەتىمدىلىگىن قامتاماسىز ەتۋ جۇمىستارى جۇرگىزىلۋدە»، - دەدى ب.سەيىتوۆا.

ءدال وسى ماسەلەنىڭ شەشىمىن "ە–Salyq Azamat" جانە "E-Salyq Business" ءموبيلدى قوسىمشالارىن پايدالانۋ ارقىلى تابۋعا بولادى. جەكە كاسىپكەرلەرگە "E-Salyq Business" قىزمەتىن پايدالانۋعا مۇمكىندىك بەرىلدى.

بۇل قوسىمشالار كوپتەگەن فۋنكسيالاردى قامتيدى، جانە مول ارتىقشىلىقتارى بار. سونىمەن قاتار، جەكە تۇلعالارعا دا جانە جەكە كاسىپكەرلەرگە دە ءوز سالىق مىندەتتەمەلەرىن ورىنداۋىن جەڭىلدەتۋگە ارنالعان. ە-Salyq Azamat ونلاين رەجيمدە مۇلىك، جەر، كولىك سالىقتارى بويىنشا بەرەشەكتى (ارتىق تولەمدى) جانە الداعى تولەمدەردى كورسەتەدى جانە تولەم جۇرگىزۋدى ۇسىنادى. جۇرگىزىلىپ جاتقان جۇمىستار سالىق تولەۋشىلەردەن تۇسەتىن شاعىمداردى ازايتۋعا جانە جۇمىس پروسەستەرىن اۆتوماتتاندىرۋعا باعىتتالعان.

سونداي-اق، كاسىپكەرلىك سۋبەكتىلەرىنىڭ قۇقىقتارىنا نۇقسان كەلتىرۋ مەن زاڭدى قىزمەتكە كەدەرگى كەلتىرۋگە جول بەرمەۋ ماقساتىندا كوپتەگەن شارالار قابىلدانۋدا.