ەكوتۋريزم بويىنشا ۇلتتىق ستاندارت جاڭارتىلدى
قازاقستانداعى بۇۇدب قولداۋىمەن «كولساي-كولدەرى» ۇلتتىق پاركىندە «تابيعاتقا قۇلاق سال» اتتى جاڭا ەكولوگيالىق مارشرۋت اشىلدى، دەپ حابارلايدى Almaty-akshamy.kz.
ول ساتى شاتقالىندا ورنالاسقان.
جاڭا مارشرۋتتىڭ اتاۋى – تابيعاتتى ءتۇسىنۋ جانە ونىمەن بىرىگۋ، ادامدار مەن عالامشاردىڭ بولاشاعى ءۇشىن ونى ۇقىپتى ساقتاپ، قۇرمەتتەۋدى بىلدىرەدى.
«كولساي كولدەرى» ۇلتتىق تابيعي پاركىندە جاڭا ەكولوگيالىق مارشرۋتتى ىسكە قوسۋ - كەلۋشىلەر اعىنىن ءبولۋ ارقىلى كولساي جانە قايىڭدى كولدەرىنە تۇسەتىن شامادان تىس رەكرەاسيالىق جۇكتەمەنى ازايتادى.
«ءبىر جاعىنان، ءقازىر تۋريستىك سەكتور ءۇشىن وڭ ءۇردىس بايقالىپ وتىر، ال ەكىنشى جاعىنان تابيعي ورتاعا جانە بيوالۋانتۇرلىلىككە انتروپوگەندىك اسەر كۇشەيىپ كەلەدى، بۇل ءوسىپ كەلە جاتقان جۇكتەمەنى ازايتۋ شارالارىن ازىرلەۋ قاجەت ەكەنىن بىلدىرەدى. بۇل تۇرعىدا مينيسترلىك ەرەكشە قورعالاتىن تابيعي اۋماقتار سالاسىنداعى زاڭنامالىق بازانى جەتىلدىرۋ بويىنشا جۇمىس جۇرگىزۋدە. ەكوتۋريزم بويىنشا 2993–2017 ۇلتتىق ستاندارتى جاڭارتىلدى. سونىمەن قاتار، “اكىمشىلىك قۇقىق بۇزۋشىلىق تۋرالى” ق ر كودەكسىنە ەكولوگيالىق قۇقىق بۇزۋشىلىقتار ءۇشىن ازاماتتاردىڭ جاۋاپكەرشىلىگىن كۇشەيتۋ، اتاپ ايتقاندا تۇرمىستىق قاتتى قالدىقتارمەن لاستاۋ جانە ەرەكشە قورعالاتىن تابيعي اۋماقتاردىڭ رەجيمىن بۇزعان ءۇشىن ايىپپۇل سانكسيالارىن ارتتىرۋعا باعىتتالعان وزگەرتۋلەر مەن تولىقتىرۋلار ەنگىزۋ بويىنشا جۇمىس جۇرگىزىلۋدە»، – دەپ اتاپ ءوتتى قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ۆيسە-مينيسترى ءا.ل. شالابەكوۆا.
«تابيعاتقا قۇلاق سال» مارشرۋتىنىڭ نەگىزگى يدەياسى ەكوتۋريزمنىڭ جاڭا باعىتىن دامىتۋ - نەعۇرلىم تابيعاتقا جاقىن بولۋ، اباتتاندىرۋدىڭ مينيمالدى ەلەمەنتتەرىن قولدانۋ.
“تابيعاتقا قۇلاق سال” مارشرۋتىندا كىرۋ توبى، اقپاراتتىق بەلگىلەر، ۆيزيت الاڭ مەن دەمالىس ورىندارى، ۇلتتىق پاركتىڭ بيوالۋانتۇرلىلىگى تۋرالى نەگىزگى اقپاراتتى قامتيتىن تاقىرىپتىق انشلاگتار (ستەندتەر) ورناتىلعان.
ايتا كەتۋ كەرەك، جوعارىداعىداي جۇمىستار قاتونقاراعاي مەن سايرام-وگەم ۇلتتىق تابيعي پاركتەرىندە جۇرگىزىلگەن.