سىندارلى ساباقتاستىق كەزەڭى

جەر داۋى مەن جەسىر داۋى كونە داۋىردەن بەرى قازاق حالقى ءۇشىن اسا ماڭىزدى بولعان. سودان شىعار، 2016 جىلى ەلىمىزدە جەر­ءدى شەتەلدىكتەرگە ساتۋ مەن جال­عا بەرۋگە قارسىلىق ءبىلدىر­گەن حالىق تىلەگىن ەسكەرگەن ەل­باسى نۇرسۇلتان نازاربايەۆ وسى ماسەلە بويىنشا 5 جىلعا موراتوريي جاريالاعان بولاتىن. بيىل ونىڭ مەرزىمى اياقتالماق. وسىعان وراي، مەملەكەت باسشىسى قاسىم-جومارت توقايەۆ ۇلت­تىق قوعامدىق سەنىم كەڭە­ءسىنىڭ كەزەكتى وتىرىسىندا اۋىل شارۋاشىلىعى جەرىن شەتەل­دىكتەرگە ساتۋعا، جالعا بەرۋگە ارنايى توقتالىپ، پرەزيدەنتتىك زاڭ شىعارۋ باستاماسىن پايدالانىپ، جەرگە قاتىستى زاڭ جوباسىن ءماجىلىس قاراۋىنا ۇسىنعان ەدى.

تاياۋدا پرەزيدەنت پارلامەنت قابىلداعان «قازاقستان رەس­پۋب­لي­كاسىنىڭ كەيبىر زاڭ­نا­مالىق اكتىلەرىنە جەر قاتى­ناستارى ماسەلە­لەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. وسى­لاي­شا، قوعامدى جىلدار بويى تول­عان­دىرعان جەر ماسەلەسى تۇبەگەيلى شەشىمىن تاپتى.

اتا-بابامىز اق نايزانىڭ ۇشىمەن، اق بىلەكتىڭ كۇشىمەن قورعاپ، ۇرپاعىنا امانات ەتكەن قازاق جەرى شەتەلدىكتەرگە ساتىلمايتىن جانە جالعا بەرىلمەيتىن بولىپ شەشىلدى. قاسىم-جومارت توقايەۆ جەر ماسەلەسى مەن ەل ماسە­لەسىنىڭ، ياعني ءوزى ۇسىنعان «حا­لىق ۇنىنە قۇلاق اساتىن مەملەكەت» تۇجىرىمداماسىمەن وزەكتەس ەكەن تاعى ءبىر مارتە اڭ­عارتتى. مەملەكەتشىلدىك سايا­ساتىنىڭ ءبىرىز­دىلىك­پەن جۇزەگە اساتىنىن، ونىڭ ءناتي­­جەسى حالىقتىڭ ويىمەن قاشاندا ۇندە­سە­ءتىنىن تاعى ءبىر مارتە دالەلدەدى.

سونىمەن قاتار كەيىنگى ەكى جىل ىشىندە حالىق تۇرمىسىنا قاتىستى ءبىرقاتار يگى باستاما جۇزەگە استى. ماسەلەن، ءبىر­جولعى كرەديتتىك امنيستيا جاريالانىپ، 500 مىڭ ادامنىڭ نەسيەسى كەشى­ءرىل­گەنى ءمالىم. سونداي-اق كوم­مۋنالدىق تولەم­دەردىڭ ءتاريفى تومەندەتىلدى. ونى تولەۋ ءۇشىن اسا مۇقتاج جاندار قوسىمشا كو­مەك الدى. قارجى نارىعىن رەت­تەۋ جانە دا­مى­تۋ اگەنتتىگىنە ۇلت­­تىق بانكپەن ءبىر­لە­ءسىپ، قازاق­ستان­دىق بيزنەسكە نەسيە بەرۋ كولەمىن ازايتپاۋ جونىندە شارا­­لار قا­بىلداۋعا تاپسىرما بەرىلدى. قول­جە­ءتىم­ءدى نەسيە بەرۋ، كوكتەمگى ەگىس ناۋقا­نىن ءجۇر­گىزۋ، جۇمىس ورىندارىن اشۋ جانە ساقتاۋ ءۇشىن ايتارلىقتاي قاراجات ءبولىندى.

700 مىڭنان استام كومپانيا مەن كاسىپكەرلەردىڭ سالىق جۇك­تەمەسى ازايتىلدى. سول ارقىلى ولار 1 ترلن تەڭگەگە جۋىق قار­جى ۇنەمدەۋگە مۇمكىندىك ال­دى. پرەزيدەنتتىڭ تاپسىرماسى­مەن 2020 جىلى 492،5 مىڭ پەداگوگتىڭ جالاقىسى 25 پايىزعا ءوستى. 2021 جىلعى 1 قاڭتاردان باستاپ تاعى دا 25 پايىزعا ۇلعايتىلدى. ال پە­داگوگيكالىق باعىتتا ءبىلىم الىپ جاتقان ستۋدەنتتەردىڭ ستيپەندياسى 26 مىڭنان 42 مىڭ تەڭگەگە دەيىن كوبەيتىلدى.

بىلتىر تۇرعىن ءۇي قۇ­رى­لىسى­نىڭ قارقىنى 11،2%-عا وسكەن. ءبىراق پايدالانۋعا بەرىل­گەن دايىن ۇيلەر­ءدىڭ 40%-ى تەك نۇر-سۇلتان، الماتى، شىمكەنت قالا­لارىن­دا سالىنعانىنا كوڭىل اۋدارعان پرە­زي­دەنت اۋىلدىق مەكەندەردە دە باس­پانا سالۋ قولعا الىناتىنىن جەتكىزدى. ەگەر ءوڭىر­لەردە باسپانا كوپتەپ سالىن­سا، اۋىل­دارعا جاستاردى، قاجەتتى مامان­­داردى تارتۋعا بولاتىنى ءسوزسىز. جاس­تار دەمەك­ءشى، مەملەكەت باسشىسى مەملەكەت­تىك قىز­مەتتىڭ تيىمدىلىگىن ارتتىرۋ ءۇشىن دارىندى جاس كادرلارعا ەرەكشە كوڭىل ءبولىپ كەلەدى. پرەزي­دەنتتىك جاستار كادرلىق رەزەرۆى قۇرىلعاندىعى – سونىڭ ايعاعى.

كەيىنگى ەكى جىل الەمدە دە، ەلىمىزدە دە توتەنشە جاعدايلارعا تولى بولدى. پرە­زي­دەنتتىك سايلاۋدان كوپ وتپەي-اق ارىس­تاعى قارۋ-جاراق قويماسى جارىلدى. سونىڭ سالدارىنان قالاداعى ۇيلەر قي­راپ، كوپتەگەن تۇرعىن باسپاناسىز قال­دى. وسى ءبىر سىن كەزدە مەملەكەت باسشى­سى ارىسقا ارنايى بارىپ، احۋالمەن تىكەلەي تانىسىپ قايتقانى ەسىمىزدە. ال بىلتىر قوردايداعى جانجال وزەك­ءتى الەۋمەتتىك ماسەلەلەردىڭ تۇ­تاس شو­عى­­رىن كورسەتىپ بەردى. ءوز­بەك­ستاندا جا­رىل­عان سۋ قوي­ماسى ماقتارالداعى اعايىندى ءابى­گەرگە سالدى. وسىنداي جاع­­دايدىڭ بارىندە قاسىم-جومارت تو­قايەۆتىڭ شۇعىل دەن قويىپ، باتىل شەشىم قابىلداۋى حالىق­تىڭ بيلىككە دەگەن سەنىمىن كۇشەي­تە ءتۇستى.

داعدارىس داۋاسى

ءبىر جىل بۇرىن ءدال وسى كەزەڭدە دۇنيەجۇزىلىك دەنساۋلىق ساقتاۋ ۇيىمى كوروناۆيرۋستى پاندەميا دەپ جاريالاپ، شارتاراپتىڭ تۇك­پىر-تۇكپىرىنىڭ ەتەك-جەڭىن قىم­­­تاۋعا كىرىستى. بۇكىل الەم بەت­پەردە كيىپ، ۇيگە تىعىلدى. جەر-جا­­ھان­دى تەڭسەلتكەن ۆيرۋس قا­زاق­­ستاندى دا اينالىپ وتكەن جوق.

الەمدە الشاڭ باسقان ىندەت­ءتىڭ ءبىزدىڭ ەلىمىزدەگى قار­قى­نى پرەزيدەنت قاسىم-جومارت توقايەۆتىڭ دەر كەزىندە قابىل­دا­عان شەشىمدەرىنىڭ ارقاسىندا اي­تار­­لىقتاي باسەڭدەدى. مەم­لە­كەت باسشىسى كوروناۆيرۋس ءىن­­دە­ءتى­ءنىڭ ءورشىپ، تەز تارالۋى­نا باي­­­لان­ىستى حالىققا ۇندەۋ جا­ريا­­لاپ، ەلىمىزدە 30 كۇندىك توتەن­شە جاعداي ەنگىزىپ، العاشقى تول­قىن­ن­ىڭ الدىن الا ءبىلدى. دەر كە­ز­ىندە قاتاڭ كارانتين جاريا­لا­نىپ، ساقتىق شارالارىن ساق­تاۋ­­دىڭ ار­قاسىندا ەپيدەميا­لىق جاع­دايدىڭ تىم ۋشىعۋىنا جول بەرىلمەدى.

قاسىم-جومارت كەمەل ۇلى ءوز قىز­مەتىندە حالىق دەنساۋلىعىن قور­عاۋ، ەكونوميكانىڭ تۇراقتى­لى­عى مەن دامۋ قارقىنىن ساقتاۋ، ءبىلىم بەرۋ سالالارىن باستى نا­­زار­دا ۇستادى. سوعان سايكەس ما­ڭىز­دى شەشىمدەردى جەدەل قا­بىل­داپ، ونى جۇزەگە اسىرۋدى ۇكى­مەت پەن اكىمدەرگە جۇكتەپ، ءناتي­جەسىن ءجىتى قاداعالاپ وتىردى. ەڭ الدىمەن، نۇر-سۇلتان، الما­تى، شىم­كەنت قالالارىندا شۇ­عىل تۇردە جاڭا مودۋلدىك جۇق­پالى اۋرۋلار اۋرۋحانالارى، پرو­ۆي­زورلىق ستاسيونارلار سالىن­­دى. 4،5 ميلليوننان استام ادام­­­عا 42500 تەڭگەدەن قارجىلاي كومەك كورسەتىلدى. 1 ميلليوننان اس­تام ازا­ماتقا ازىق-تۇلىك پەن تۇرمىس­تىق زاتتار ۇلەستىرىلدى.

پاندەميا كەزىندە 2 ميلليونعا جۋىق ازاماتتىڭ نەسيە تولەۋ مەرزىمى كەيىنگە شەگەرىلدى.

ىندەت باستالىسىمەن مەملە­كەت باس­شى­­سىنىڭ تاپسىرماسىنا سايكەس ءوڭىر­لەر­ءدىڭ اكىمدەرى ازىق-تۇلىك پەن قىزمەت ءتۇر­لەرىنىڭ باعاسىن باقىلاۋ جۇ­مىس­تارىن بەلسەندى جۇرگىزدى. سونىڭ ارقا­­سىن­دا ەلىمىزدىڭ ازىق-تۇلىك قورى قازاق­ستان حال­قىنىڭ قاجەتتىلىگىن تولىق قام­تاما­­سىز ەتە الدى. سون­داي-اق پرەزيدەنت پان­دە­­ميادان قايتىس بولعان ازاماتتار رۋحى ال­­­دىندا تاعزىم ەتۋ ءۇشىن 13 ءشىل­دەنى جال­­پى­ۇلتتىق ازا تۇتۋ كۇنى دەپ جاريالادى.

مەملەكەت باسشىسىنىڭ تاپ­سىر­ماسى بويىنشا بيۋدجەت قارا­جاتى حالىقتى جۇمىسپەن قام­تۋعا، شاعىن جانە ورتا بيزنەستى قول­داۋعا باعىتتاۋ ءۇشىن قايتا قارال­دى. اتاپ ايتقاندا، جوس­پار­­­لانعان بارلىق ءىس-شارا ونلاين فورماتقا كوشىرىلدى. ەلى­ءمىز بويىنشا قاشىقتان وقۋ، قاشىقتان جۇمىس ىستەۋ ءتاسى­ءلى ەن­گىزىلدى. پاندەميا كەزىن­دەگى ۇنەم­­دەلگەن قاراجات ەكونو­مي­كا­نىڭ تۇراقتى دامۋىن قامتاماسىز ەتۋگە، داعدارىستان زارداپ شەككەن حالىقتىڭ ءال-اۋقاتىن ارتتىرۋعا جانە باسقا يگى ىستەرگە جۇمسالدى. پرەزيدەنتتىڭ تاپسىرماسى بويىنشا پاندەميانىڭ سالدارى مەن ودان تۋىنداعان ەكونوميكالىق قيىن­دىقتاردى ەڭسەرۋگە 5،9 ترلن تەڭگە كولەمىندە قارجى ءبولىندى.

ەپيدەمياعا قارسى ءىس-شارالارعا تارتىل­عان مەديسينا قىزمەتكەرلەرىن ىنتالان­دىرۋ جانە ماتەريالدىق قولداۋ ماق­ساتىندا كوروناۆيرۋس جۇق­تىرۋ ءقاۋپىنىڭ دارەجەسىنە قاراي جالاقى­لارى­نا ۇستەم­ەاقى قوسىل­دى. دارىگەرلەر­ءدىڭ جالاقى­سىن ەكو­نوميكاداعى ورتاشا جالاقى دەڭگەيىنە دەيىن كوتەرۋ مىندەتى قويىلدى. وسى ماقساتپەن بيىل رەسپۋبليكالىق بيۋدجەتتەن 196،5 ملرد تەڭگە ءبولىن­ءدى. قاسىم-جومارت توقايەۆتىڭ تىكەلەي تاپسىرماسىمەن كوروناۆيرۋسقا قارسى QazCovid-in ۆاكسيناسى ازىرلەنىپ، قازاق­ستان پاندەمياعا قارسى ەم تاپقان الەمدەگى بەس ەلدىڭ قاتارىنا قوسىلدى.

سونىمەن قاتار، داعدارىسقا قارسى «جۇمىسپەن قامتۋدىڭ جول كارتاسى» باعدارلاماسى ءىس­كە قو­سىلدى. ونى جۇزەگە اسىرۋ ءۇشىن 1 ترل­ن تەڭگە ءبولىندى. پان­­دە­ميانىڭ اۋىرتپالىعىنا قارا­ماس­تان، ءوندىرىس كولەمى، اۋىل شا­رۋا­­شىلىعى ونىمدەرى، ەكسپورت ۇل­عاي­دى. وسى رەتتە IT جانە تۋريزم سالالارىنا تارتىلعان ءىرى كولەم­دەگى ينۆەستيسيانى ايتا كەتۋ كەرەك. سونىڭ ناتيجەسىندە 300 مىڭ جاڭا جۇمىس ورنى اشىلماق.

ساياسي وزگەرىستەر – ۋاقىت تالابى

تۇڭعىش پرەزيدەنتىمىز – ەل­با­سى نۇرسۇلتان نازاربايەۆتىڭ «قازاقستان – 2050» ستراتەگيا­سى­نا سايكەس قوعامدىق ءومىردى ودان ءارى دەموكراتيالاندىرۋ با­عى­تىندا ءبىرتالاي ماڭىزدى وزگە­ءرىس جاسالدى. پرەزيدەنتتىڭ باس­تا­ماسى­مەن ۇلتتىق قوعامدىق سە­ءنىم كەڭەسى قۇرىل­دى. وندا كوتەرىل­گەن كوكەيكەستى ماسە­لە­لەر جان-جاقتى زەردەلەنىپ، ءتيىستى شەشىم­دەرىن تاۋىپ، ەلىمىزدەگى دەموكراتيالىق ءۇردىس­ت­ەردى ودان ءارى ىلگەرىلەتۋگە باعىت­تالعان ءبىرقاتار زاڭ قابىلداندى. سونىڭ ىشىندە، بەيبىت شەرۋلەرگە بايلانىستى زاڭناماعا وزگەرىستەر مەن تولىقتىرۋلار ەنگىزىلىپ، ميتينگىلەر تەك حابارلاما بەرۋ ارقىلى وتكىزىلەتىن بولدى.

سونداي-اق سايلاۋ تۋرالى زاڭ­ناماعا دا ەلەۋلى وزگەرىستەر ەن­گىزىلدى. اتاپ ايتقاندا، ساياسي پار­تيالاردى قۇرۋ مەن تىركەۋ تالا­بى ەداۋىر جەڭىلدەتىلدى. پار­تيا­­لار­دىڭ سايلاۋ تىزىمىندە ايەل­­دەر مەن جاستار ءۇشىن 30 پايىز­دىق ءمىن­دەتتى كۆوتا بەلگى­لەندى. بۇل قادام ايەلدەر مەن جاس­­تار­­دىڭ ەل­ءدىڭ قوعامدىق-سايا­سي ءومى­رىنە بەل­سەنە قاتىسۋىنا قو­سىم­شا ءمۇم­كىندىك بەردى. اتال­عان باس­­­تا­­مانىڭ ناتيجەسى بيىل­عى ءما­­ءجى­ءلىس پەن بارلىق دەڭگەي­دەگى ءماس­­­لي­حاتتار سايلاۋىندا انىق اڭ­عا­رىل­دى. مەملەكەت باسشى­سى­­نىڭ پارلامەنتتىك وپپوزيسيا تۋرالى ۇسىنىسى دا زاڭداس­تىرىلدى.

قوعامدى دەموكراتيالاندىرۋ باعى­تىنداعى  تاعى ءبىر ما­ڭىز­دى قادام – اۋىل اكىمدەرىن ساي­­لاۋ بولعالى تۇر. بيىل ەلى­مىزدە كەنتتەردىڭ، اۋىلدار مەن اۋىلدىق وكرۋگتەردىڭ اكىمدەرىن ءتى­كەلەي سايلاۋعا دايىندىق ءجۇر­گىزى­­ءلىپ جاتىر. جوسپار بويىنشا ساي­لاۋ تامىز-جەلتوقسان اي­لا­رىن­دا وتكىزۋ جوسپارلانعان. بۇل ەلى­ءمىزدىڭ قوعامدىق-ساياسي ءومىرىن­دەگى ەلەۋلى وقيعاعا اينالاتىنى انىق. اتالعان ماسە­لەگە قاتىستى زاڭ جوباسى پار­لا­مەنتتە قىزۋ تالقىلانىپ قابىلداندى.

دەموكراتيالاندىرۋ ۇدەرىسى مۇ­نىمەن شەكتەلىپ قالماق ەمەس. كەلەسى ماڭىزدى قادام – اۋدان اكىم­دەرىنىڭ سايلاۋى بولماق. وسى باستامالاردىڭ ەل ءومىرىن دەمو­كرا­تيالاندىرىپ قانا قويماي، جەر­­گىلىكتى باسقارۋ ينستيتۋتىن نى­­عايتۋعا ەلەۋلى ىقپالىن تي­گىزۋى ءتيىس.

بۇدان بولەك، مەملەكەت باس­شى­سىنىڭ باستاماسىمەن ادام قۇقى­عىن قورعاۋ، ايەلدەر مەن با­لا­لارعا قاتىستى زورلىق-زوم­بى­لىق، ادام ساۋداسى، مال ۇرلىعى، براكونەرلىك، كولىكتى ماس كۇيدە ءجۇر­گىزۋ سىندى قىلمىستارعا قار­سى زاڭنامالار قاتاڭداتىلىپ، ال­دىن الۋ شارالارى كۇشەيتىلدى.

مەملەكەت باسشىسى ۇسىن­عان سىرت­قى ساياساتتىڭ 2020-2030 جىل­دارعا ارنالعان تۇجى­رىم­داماسىندا دا سىندارلى سا­ب ا ق­تاستىق بار. ۇلتتىق ءمۇد­دەنى قورعاي وتىرىپ، سىرتقى سايا­سي جانە ەكونوميكالىق باسىم­دىق­تاردى ىلگەرىلەتۋگە باستى نازار اۋدارىلا بەرمەك. ەلى­ءمىز­ءدىڭ ستراتەگيالىق ساياسي ماق­ساتى رەتىندە تاۋەلسىزدىكتى، مەملە­كەت­ءتىڭ ەگەمەندىگىن جانە اۋماقتىق تۇ­تاس­تىعىن نىعايتۋ، سىرت­قى سايا­سي باعىتتىڭ دەربەستىگىن ساق­تاۋ كوزدەلىپ وتىر. سونداي-اق و­رتا­لىق ازيا­دا قازاقستاننىڭ كوش­باس­شىلىق ور­نىن نىعايتۋعا جانە ەلى­ءمىزدىڭ ۇزاق مەر­ءزىمدى مۇددە­لەرىنە ەرەكشە ەكپىن بەرىلەدى.

تۇجىرىمداما حالىقارالىق جانە وڭىرلىك تۇراقتىلىق پەن ءقاۋىپسىز­دىك­ءتى قام­تاماسىز ەتۋگە ەلەۋلى ۇلەس قوسۋ، شەت مەملەكەتتەرمەن ەكىجاقتى جانە كوپ­جاقتى فور­ماتتا دوستىق، ءوزارا ءتيىمدى قارىم-قاتىناستى ساقتاۋ، مەم­­لەكەت­ارالىق بىرلەستىكتەر جانە حالىقارالىق ۇيىمدارمەن كەشەن­ءدى ءوزارا ءىس-قيمىلدى دامىتۋ قاراس­تىرىلعان.

پرەزيدەنت ءوزىنىڭ سىرتقى سايا­ساتقا قا­تىستى جۇمىسىندا اشىق­تىق، پراگ­ما­تيزم جانە ىمى­راعا كەلۋ سەكىلدى ءتاسىل­دەردى قول­­دانۋ ارقىلى قازاق­ستان­نىڭ ۇلت­­تىق مۇددەلەرىن سەنىمدى قور­عاي­­دى. بۇل ءتاسىلدىڭ تيىمدىلىگى ءوز­­بەك­ستان­داعى سار­دوبا سۋ قوي­ما­­سى­نىڭ بۇزىلۋىنا باي­لانىس­تى توتەنشە جاعداي كەزىندە انىق كورىندى. ەكى ەلدىڭ ءتۇسىنىسىپ جۇ­مىس ءىس­تەۋىنىڭ ارقاسىندا سۋ تاس­قى­نىنىڭ سالدارىن قىسقا مەر­زىمدە جويۋ مۇمكىن بولدى.

قاسىم-جومارت توقايەۆ سايلاۋالدى باعدارلاماسىندا ەلباسى ايقىنداعان كوپ ۆەكتورلىق ساياسات قاعيداسىن ۇستانا وتىرىپ، سترا­تەگيالىق سەرىكتەس ەلدەر – رەسەي، جۇڭگو، اقش، ورتا­لىق ازيا مەم­لەكەتتەرىمەن، ەۋروپا­لىق وداق، ازيا جانە تاياۋ شىعىس مەم­لەكەتتەرىمەن تەڭ، دوستىق قا­رىم-قاتىناستى، سونىمەن قا­تار بۇۇ، تمد، ەاەو، شىۇ، ەقىۇ، اوسشك سەكىلدى حالىق­ارا­­لىق ۇيىمدارمەن بايلانىستى نىعايتا تۇسەتىنىن مالىمدەگەن-دى.

ول ۋادەلەر ىسكە اسىرىلىپ، مەم­لەكەت باسشىسى ءوزىنىڭ حالىق­ارالىق ارەنادا ەلىمىزدىڭ ءمۇد­دەسىن قورعاي الاتىن ءىرى ساياساتكەر ەكەنىن كورسەتە ءبىلدى. ماسەلەن، بىلتىر جوعارى ەۋرازيالىق ەكونوميكالىق كەڭەستىڭ ونلاين وتىرىسىندا 2025 جىلعا دەيىنگى ەۋرا­زيالىق ەكونوميكالىق ينتە­گرا­سيا­نىڭ ستراتەگيالىق دامۋ باعىت­تارى تۋرالى قۇجاتتى قا­بىل­داۋ يدەياسىن قولداي وتىرىپ، ستراتەگيانىڭ كەيبىر بولىمدەرىن قايتا تالقىلاپ، ءالى دە پىسىقتاي ءتۇسۋ كەرەگىن، دەن­ساۋلىق ساقتاۋ، ءبىلىم جانە عى­لىم سالالارىن ەەك-نىڭ قۇ­زى­رەتى­نە تولىق كولەمدە بەرۋ ونىڭ ەكو­نو­ميكالىق باعىتىن ايتار­لىق­تاي وزگەرتىپ جىبەرۋى مۇمكىن ەكەنىن ەسكەرتكەنى، سونداي-اق ەەك-تىڭ وكى­لەتتىگىن كەڭەيتۋ ماسە­­لە­­لە­رىنە مۇقيات بولۋعا شاقىرعانى ەسىمىزدە.

بيىلعى 1 قاڭتاردان باستاپ قازاق­ستان ەۋرازيالىق ەكونو­مي­كالىق وداق ءتوراعالىعىن قابىل­دادى. وسىعان وراي، قاسىم-جومارت توقايەۆ ەاەو-عا مۇشە مەم­لەكەتتەردىڭ باسشىلارىنا جول­داعان ۇندەۋىندە ءبىرقاتار ماڭىز­دى ماسەلەنى كوتەرىپ، ۇيىم­نىڭ الداعى 5 جىلداعى باعىتىن ايقىنداپ بەردى.

تۇيىندەي ايتقاندا، ەكى جىل ىشىندە اتقارىلعان شارۋالار­دى ءالى دە تىزە بەرۋگە بولادى. ەڭ باستىسى – مەملەكەت باس­شى­سى كوتەرگەن باستامالار حالىق­تىڭ يگىلىگى ءۇشىن جاسالىپ جاتىر. قاسىم-جومارت توقايەۆ ەل تالابىن ەسكەرىپ، ناقتى شەشىم قابىلدايتىنىن تالاي ءمار­تە دالەلدەدى. وسى مەرزىمدە ات­قارىلعان جۇمىستارعا قاراپ وتى­رىپ، پرەزيدەنتىمىز الداعى ۋا­قىت­تا دا ەلىمىزدى ەلباسى بەل­گى­لەپ بەرگەن «قازاقستان – 2050» ستراتەگياسىنىڭ ايقىن باعى­تىمەن بۇلجىتپاي العا باس­تاپ، حالقىمىزدى ماڭگىلىك ەل بولۋ مۇ­راتىن ورىنداۋ جولىنا جۇ­مىل­دىرا بەرەتىنىنە سەنىمدىمىز.