وڭىرلىك كوممۋنيكاسيالار قىزمەتىندە وتكەن باسپا ءسوز ءماسليحاتىندا ناۋرىزباي اۋدانىنىڭ اكىمى نازيرا توعىزبايەۆا وسىلاي دەپ حابارلادى.
اۋدان قولايلى قالالىق ورتا قالىپتاستىرۋعا بارىن سالىپ جاتىر. 2025 جىلى «حالىق قاتىساتىن بيۋدجەت» باعدارلاماسى اياسىندا تۇرعىندار ۇسىنعان 1 370 باستامانىڭ ىشىنەن 34 جوبا ىرىكتەلىپ الىنىپ، ونى جۇزەگە اسىرۋعا 2،5 ملرد تەڭگە بولىنگەن، - دەپ حابارلايدى Aqshamnews.kz.
ءقازىر اباتتاندىرۋعا ارنالعان 16 جوبا، قوعامدىق كەڭىستىك قۇراتىن 9 جوبا مەن اۋلا اۋماقتارىن جاڭارتۋدى كوزدەيتىن 6 جوبا اياقتالىپ قالعان.
اياقتالعان باستامانىڭ ءبىرى – «شۇعىلا» تۇرعىن ءۇي كەشەنىندەگى جاياۋ جۇرگىنشىلەر ايماعىن اباتتاندىرۋ. مۇندا بالالاردىڭ ويىن الاڭى، دەمالىس ايماقتارى جاسالىپ، جارىقتاندىرىپ، اۆتوسۋارۋ جۇيەسى ورناتىلىپ، كوگالداندىرۋ جۇمىستارى جاسالدى.
سونىمەن قاتار 47 اۋلا جوندەلىپ، رايىمبەك، دوسمۇحامەدوۆ، كارەرنايا كوشەسى مەن قارعالى وزەنى بويىندا اباتتاندىرۋ جۇمىسى جۇرگىزىلىپ جاتىر.
تاستىبۇلاق وزەنىنىڭ بويىندا ۇزىندىعى 1،4 شاقىرىم بولاتىن جاياۋ جۇرگىنشىلەر جاعالاۋى سالىنىپ جاتىر، ونى 2026 جىلدىڭ قاراشا ايىندا اياقتاماق. سونىمەن قاتار تاستىبۇلاق پەن قارعالى وزەنىنىڭ جاعالاۋىن بەكىتۋ جۇمىسى قاتار قولعا الىندى. كەلەر جىلى اباتتاندىرۋ جۇمىستارى اباي داڭعىلى مەن قونايەۆ، الاتاۋ، ءاشىموۆ، شالياپين كوشەسىندە جالعاسادى. بۇل اۋماقتارعا 552 ساندىك شام مەن جاڭا كوگالداندىرۋ جۇيەسى ورناتىلادى.
«ءبىز اۋداننىڭ ءار كۆارتالى جايلى بولىپ، جاسىل-جەلەككە ورانىپ تۇرعانىن قالايمىز. سوندىقتان اباتتاندىرۋدى جۇيەلى تۇردە جۇرگىزىپ جاتىرمىز»، - دەدى نازيرا توعىزبايەۆا.