ناۋرىزباي اۋدانىنىڭ اكىمى نازيرا توعىزبايەۆا وڭىرلىك كوممۋنيكاسيالار قىزمەتىنىڭ الاڭىندا ءسوز سويلەپ، اۋداننىڭ كوشە-جول جەلىسىن دامىتۋ باعىتىندا اتقارىلىپ جاتقان اۋقىمدى جۇمىستار تۋرالى باياندادى.
اكىمنىڭ ايتۋىنشا، 2025 جىلى جول ينفراقۇرىلىمىن دامىتۋ باسقارماسىنىڭ تاپسىرىسى بويىنشا جالپى ۇزىندىعى 37،7 شاقىرىم بولاتىن 30 كوشەگە ورتاشا جوندەۋ جۇرگىزىلگەن، - دەپ حابارلايدى Aqshamnews.kz.
سونىمەن قاتار، جاڭا جولدار سالۋ اياسىندا «BCS Construction» مەردىگەرلىك ۇيىمى اقجار شاعىناۋدانىندا 15،5 شاقىرىم (34 كوشە) اسفالتتادى.
شۇعىلا شاعىناۋدانىنداعى قۇرىلىس تولىق اياقتالدى. ۇزىندىعى 6،8 شاقىرىم بولاتىن 28 كوشە اسفالتتالدى، دايىندىق دەڭگەيى — 100%.
2024 جىلى 50 مىڭ شارشى مەتر جول جابىنى قالپىنا كەلتىرىلىپ، 1،7 شاقىرىم ارىق جەلىسى سالىندى. بيىل 45 مىڭ شارشى مەتر جابىنى جوندەلىپ، 1000 قۇدىق تەگىستەلدى، 100 جاڭبىر قابىلداعىش اۋىستىرىلدى، سونداي-اق جالپى ۇزىندىعى 4،7 شاقىرىم بولاتىن 16 كوشەدە تەحنيكالىق تروتۋار سالىندى. قوسىمشا 200 وزدىگىنەن دەڭگەيلەنەتىن ليۋك ورناتىلدى.
اۋداننىڭ باسقا بولىكتەرمەن كولىكتىك بايلانىسىن ارتتىرۋعا ەرەكشە كوڭىل بولىنگەنە. جول ينفراقۇرىلىمىن دامىتۋ باسقارماسى اباي داڭعىلى، تولە بي مەن جۇبانوۆ كوشەلەرىن جالعاۋ جۇمىستارىن جۇرگىزىپ جاتىر.
• اباي داڭعىلى – 600 م، اياقتالۋ مەرزىمى 2025 جىلدىڭ سوڭىنا دەيىن؛
• تولە بي كوشەسى – اياقتالۋ مەرزىمى 2025 جىلدىڭ سوڭىنا دەيىن؛
• جۇبانوۆ كوشەسى – اياقتالۋ مەرزىمى 2026 جىلدىڭ تامىزى.
جول قۇرىلىسى جەر تەلىمدەرىن ساتىپ الۋ راسىمدەرى اياقتالعان سايىن كەزەڭ-كەزەڭىمەن جۇزەگە اسىرىلادى.
«جەرگىلىكتى اتقارۋشى ورگانداردىڭ باستى مىندەتى – اۋدان تۇرعىندارى ءۇشىن قولايلى ءارى ءقاۋىپسىز كولىك ورتاسىن قالىپتاستىرۋ. بارلىق جوبالار ءومىر ساپاسىن ارتتىرۋعا جانە ينفراقۇرىلىمنىڭ قولجەتىمدىلىگىن قامتاماسىز ەتۋگە باعىتتالعان»، - دەپ اتاپ ءوتتى نازيرا توعىزبايەۆا.