الماتى قالالىق №2 پەريناتالدىق ورتالىعىندا دارىگەرلەر سالماعى بار بولعانى 742 گرامم بولىپ دۇنيەگە كەلگەن ءسابيدىڭ ءومىرىن ساقتاپ قالدى، دەپ حابارلايدى aqshamnews.kz
بالا 2025 جىلعى 30 تامىزدا، جۇكتىلىكتىڭ 26-اپتاسىندا دۇنيەگە كەلگەن.
تۋعاننان كەيىن ونىڭ جاعدايى اسا اۋىر بولدى، سوندىقتان دارىگەرلەر ۇزاق ءارى كۇردەلى كۇتىم ۇدەرىسىن باستادى.
40 كۇن بويى ءسابي وكپەنى جاساندى جەلدەتۋ (ءوجج) اپپاراتىندا بولدى، كەيىن 24 كۇن نازالدى سيپاپ-تەراپيادا، سوڭعى 10 كۇن وزدىگىنەن دەم الىپ جاتىر.
ءقازىر سابيگە 74 كۇن بولدى، ول قۇرىلعىسىز وزدىگىنەن تىنىستاپ جاتىر.
مۇنداي جاعداي بۇكىل ۇجىمنان — نەوناتولوگتاردان، رەانيماتولوگتاردان، مەدبيكەلەر مەن پەريناتالدىق پسيحولوگتاردان جوعارى كاسىبي دايىندىق پەن شىدامدىلىقتى تالاپ ەتەدى.
«ءاربىر گرامم سالماق، ءاربىر تىنىس — دارىگەرلەردىڭ ورتاق ەڭبەگى مەن ءسابيدىڭ ومىرگە دەگەن جىگەرىنىڭ ناتيجەسى. بۇل ءبىز ءۇشىن جاي عانا مەديسينالىق جۇمىس ەمەس، كۇن سايىنعى ءومىر ءۇشىن كۇرەس»، —
دەدى الماتى قالالىق №2 پەريناتالدىق ورتالىعى ديرەكتورىنىڭ نەوناتالدىق قىزمەت جونىندەگى ورىنباسارى اينۇرىم سارباس.
ءسابيدىڭ اناسى ۇلىن امان الىپ قالعان دارىگەرلەر مەن مەيىربيكەلەرگە العىس ءبىلدىرىپ، ولاردىڭ قولداۋى مەن قامقورلىعى ەڭ قيىن ساتتە ۇلكەن دەمەۋ بولعانىن ايتتى.
بۇگىندە الماتى قالالىق №2 پەريناتالدىق ورتالىعى شالا تۋعان بالالاردى كۇتىپ-باپتاۋدىڭ زاماناۋي ادىستەرىن بەلسەندى ەنگىزىپ كەلەدى.
جىل باسىنان بەرى ورتالىقتا سالماعى 1000 گرامنان تومەن 43 ءسابي ومىرگە قايتا ورالدى.