اۋداندا 45 سەنبىلىك وتكىزىلىپ، 400-دەن استام اعاش ەگىلدى، - دەپ حابارلايدى Aqshamnews.kz.
وڭىرلىك كوممۋنيكاسيالار قىزمەتىنىڭ الاڭىندا ناۋرىزباي اۋدانىنىڭ اكىمى نازيرا توعىزبايەۆا وسىلاي دەپ حابارلادى. ول اۋداننىڭ سانيتارلىق جاعدايىن جاقسارتۋ مەن اباتتاندىرۋعا باعىتتالعان «تازا قازاقستان» ەكوكامپانياسى اياسىندا اتقارىلىپ جاتقان جۇمىستار تۋرالى بايانداپ بەردى.
اكىمنىڭ ايتۋىنشا، بيىلعى 10 ايدا اۋداندا 45 سەنبىلىك وتكىزىلىپ، وعان 11 مىڭنان استام تۇرعىن قاتىسقان. اكسيالار بارىسىندا 5 500 تەكشە مەتر قوقىس شىعارىلعان. قاراشا ايىنىڭ سوڭىنا دەيىن ماۋسىمدى تازا اياقتاۋ ءۇشىن تاعى ەكى سەنبىلىك وتكىزۋ جوسپارلانىپ وتىر.
«تازا قازاقستان بوت» سيفرلىق پلاتفورماسى دا جاقسى قولدانىلىپ جاتىر: جىل باسىنان بەرى 1 500 ءوتىنىش كەلىپ تۇسكەن، ونىڭ 95%-ى شەشىمىن تاپقان. بۇل قوعامدىق باقىلاۋدى كۇشەيتىپ، تۇرعىندارمەن كەرى بايلانىستى بارىنشا جەدەل جانە اشىق ەتۋگە مۇمكىندىك بەردى.
قازىرگى تاڭدا اۋداننىڭ سانيتارلىق تازالىعى 348 كوشە مەن 105 شاقىرىم ارىق جۇيەسىن قامتيدى. بۇل جۇمىستاردى ءۇش مەردىگەر ۇيىم اتقارىپ جاتىر، 150 جۇمىسشى مەن 54 ارنايى تەحنيكا جۇمىلدىرىلعان. اۋلا اۋماقتارىنداعى جۇمىسقا قوسىمشا 174 قىزمەتكەر مەن 46 تەحنيكا تارتىلدى.
سانيتارلىق جاعدايدى باقىلاۋدى كۇشەيتۋ ماقساتىندا قوقىس كونتەينەر الاڭدارىنا 40 كامەرا ورناتىلدى. ولار زاڭسىز قوقىس تاستاعاندارى تىركەپ، قۇقىقبۇزۋشىلىقتار بويىنشا اكىمشىلىك حاتتاما تولتىرىلدى.
اباتتاندىرۋ مەن كوگالداندىرۋ جۇمىستارىنا ەرەكشە ءمان بەرىلگەن. بيىلدىڭ وزىندە 400 اعاش ەگىلدى، جىل سوڭىنا دەيىن تاعى 1 000 اعاش ەگىلمەك. سونىمەن قاتار، «SAME CONSTRUCTION» ج ش س مەردىگەر كومپانياسى جۇرگىنشى جولدارى مەن جول جيەگى اراسىنداعى بوس ايماقتاردى كوگالداندىرۋ مەن اباتتاندىرۋ بويىنشا كەشەندى جۇمىستار جۇرگىزىپ جاتىر. بۇل ايماقتار سانيتارلىق-قورعاۋ مەن ەستەتيكالىق قىزمەت اتقارادى.
نەگىزگى اباتتاندىرۋ اۋماقتارى:
• اباي داڭعىلى (وڭتۇستىك-شىعىس جانە وڭتۇستىك-باتىس بولىگى، ءاشىموۆ كوشەسىنىڭ بۇرىشى)؛
• شالياپين كوشەسى (ءاشىموۆ كوشەسىنەن قارعالى وزەنىنە دەيىن)؛
• قونايەۆ كوشەسى (گروزا كوشەسىنەن قارعالى وزەنىنە دەيىن).
بۇل ايماقتارعا سپيرەيا، لاپچاتكا، كيزيلنيك، كوپىرشىك (قىزىل جانە سارى ءتۇستى) جانە حريزانتەما سياقتى ساندىك بۇتالار ەگىلدى.
سونىمەن قاتار اكىمشىلىك ءىس-شارالار دا جۇرگىزىلدى: جىل باسىنان بەرى تازالىق ەرەجەلەرىن بۇزۋ، رۇقساتسىز ساۋدا جانە وزگە دە اكىمشىلىك قۇقىقبۇزۋشىلىقتار بويىنشا جالپى سوماسى 50 ملن تەڭگەدەن اساتىن 691 حاتتاما تولتىرىلدى.
«ەكولوگيالىق مادەنيەت ءار ادامنىڭ وزىنەن باستالادى. ءبىزدىڭ ماقساتىمىز – اۋداندى ءومىر ءسۇرۋ مەن دەمالۋعا جايلى اۋدان ەتۋ»، - دەدى نازيرا توعىزبايەۆا.