جاس بالاسى بار انالار قىسقارتىلعان جۇمىس كۇنىنە جانە اقىلى ۇزىلىستەرگە قۇقىلى، دەپ حابارلايدى aqshamnews.kz
ەگەر ايەل ادام دەكرەتتىك دەمالىستان بەلگىلەنگەن مەرزىمنەن بۇرىن جۇمىسقا شىقسا، ال بالاسى ءالى ءبىر جارىم جاسقا تولماسا، ول تولىق ەمەس جۇمىس كۇنى تارتىبىندە ەڭبەك ەتۋگە قۇقىلى. بۇل بالا ەمىزۋدى جالعاستىرۋ قاجەتتىلىگىمەن بايلانىستى جانە قازاقستان رەسپۋبليكاسىنىڭ ەڭبەك كودەكسىندە قاراستىرىلعان.
بۇل تۋرالى ەلەكتروندىق ۇكىمەت سايتىندا ايتىلعان.
دەكرەتتىك دەمالىستان قالاي شىعۋ كەرەك؟
دەكرەتتىك دەمالىس ايەلدەرگە جۇكتىلىگى جانە بوسانۋى بويىنشا، بالانى 3 جاسقا تولعانعا دەيىن اسىراۋ بويىنشا اقشا تولەنبەستەن بەرىلەدى. ەگەر ايەل بالا كۇتىمى بويىنشا دەمالىس مەرزىمى اياقتالعانعا دەيىن جۇمىسقا شىعۋعا تىلەك بىلدىرسە، وعان جۇمىس بەرۋشىگە جۇمىسقا شىعۋ تۋرالى ءوتىنىشتى ق ر ەڭبەك كودەكسىنىڭ 100-بابىنىڭ 4-تارماعىنا سايكەس بولجامدى شىعۋ كۇنىنەن ءبىر اي بۇرىن ۇسىنۋ قاجەت.
ءوز كەزەگىندە جۇمىس بەرۋشى (ق ر ەڭبەك كودەكسىنىڭ 46-بابىنا سايكەس) "دەكرەتتەگىنىڭ" لاۋازىمىن ۋاقىتشا اتقاراتىن جۇمىسكەردى ەڭبەك قاتىناستارىنىڭ وزگەرۋى - جۇمىستان شىعارۋ نەمەسە باسقا لاۋازىمعا اۋىستىرۋ تۋرالى بىردەن حاباردار ەتۋى ءتيىس.
بالا ەمىزەتىن انا ءۇشىن تولىق ەمەس جۇمىس كۇنى
دەكرەتتىك دەمالىستىڭ ءتيىستى مەرزىمىنەن بۇرىن جۇمىسقا شىققان ايەل تولىق ەمەس جۇمىس كۇنىنە قۇقىلى. بۇل بالانى ەمىزۋ 1،5 جاسقا دەيىن جالعاسۋ قاجەتتىلىگىمەن تۇسىندىرىلەدى.
ق ر ەڭبەك كودەكسىنىڭ 82-بابىنا سايكەس 1.5 جاسقا دەيىنگى بالالارى بار ايەلدەرگە جۇمىستىڭ ءار 3 ساعاتىنان كەم ەمەس ۋاقىتقا بالانى (بالالاردى) تاماقتاندىرۋ ءۇشىن قوسىمشا ۇزىلىستەر ۇسىنىلادى:
ءبىر بالاسى بارعا - ءار ءۇزىلىس 30 مينۋتتان كەم ەمەس؛
ەكى نەمەسە ودان دا ارتىق - ءار ءۇزىلىس 1 ساعاتتان كەم ەمەس.
ءۇزىلىس ۋاقىتىن جانە ونىڭ ءتارتىبىن جۇمىس بەرۋشىمەن كەلىسۋگە بولادى: ۇزىلىستەردى تۇسكى اسقا قوسۋعا نەمەسە جۇمىس كۇنىنىڭ باسىنا نە سوڭىنا جيناقتاپ پايدالانۋعا رۇقسات ەتىلەدى.
ماڭىزدىسى - بۇل ۇزىلىستەر جۇمىس ۋاقىتىنا كىرەدى جانە ورتاشا جالاقى بويىنشا تولەنەدى، ياعني قىزمەتكەردىڭ تابىسى ازايمايدى.
زاڭگەرلەردىڭ ايتۋىنشا، جۇمىس بەرۋشىنىڭ مۇنداي ۇزىلىستەردى بەرۋدەن باس تارتۋى نەمەسە تولىق ەمەس جۇمىس كۇنىن قامتاماسىز ەتپەۋى ەڭبەك زاڭناماسىن بۇزۋ بولىپ ەسەپتەلەدى.