№7 قالالىق كلينيكالىق اۋرۋحانانىڭ ينفراقۇرىلىمىن جاڭعىرتۋ باستالدى
وڭىرلىك كوممۋنيكاسيالار قىزمەتىندە نازيرا توعىزبايەۆا اۋداننىڭ الەۋمەتتىك ينفراقۇرىلىمىن دامىتۋعا قاتىستى 10 ايدىڭ قورىتىندىسىن جاريالادى، - دەپ حابارلايدى Aqshamnews.kz.
اكىمنىڭ ايتۋىنشا، مەديسينا مەن الەۋمەتتىك قولداۋ قالاداعى ەڭ جاقسى دامىپ كەلە جاتقان اۋدانداعى باسىم باعىتتىڭ ءبىرى بولىپ قالعان.
ءقازىر اۋداندا 13 مەديسينالىق ۇيىم جۇمىس ىستەيدى، وندا شامامەن 5 مىڭ مامان قىزمەت اتقارادى. دەنساۋلىق ساقتاۋ مەكەمەلەرىنە شامامەن 190 مىڭ تۇرعىن تىركەلگەن. وسىعان بايلانىستى اۋداندا جاڭا ەمحانالار مەن العاشقى مەديسينالىق-سانيتارلىق كومەك كورسەتۋ ورتالىقتارى سالىنىپ جاتىر.
«قۇرامىس» شاعىناۋدانىندا قۇنى 8،9 ملرد تەڭگە بولاتىن ۇلكەن ەمحانا سالىنادى. ەمحانا ءبىر اۋىسىمدا 500 ادامعا ەسەپتەلگەن، قۇرىلىس جۇمىسى 2026 جىلدىڭ ماۋسىمىندا اياقتالادى. سونداي-اق، «شۇعىلا» شاعىناۋدانىندا وسىنداي تاعى ءبىر ەمحانا سالىنا باستادى. ونىڭ قۇرىلىسى بيىلعى قاراشادا باستالىپ، كەلەر جىلدىڭ قىركۇيەگىندە بىتپەك.
«اقجار» مەن «تاستىبۇلاق» شاعىناۋدانىندا دا اۋىسىمىنا 200 ادام قابىلدايتىن ەكى امبۋلاتوريانىڭ جوباسى مەملەكەتتىك ساراپتامادان ءوتىپ جاتىر. قۇنى شامامەن 1،2 ملرد جانە 1،5 ملرد تەڭگە بولىپ قالادى.
«قالالىق اۋرۋحانالاردى جاڭعىرتۋعا ەرەكشە كوڭىل بولىنگەن. №7 قالالىق كلينيكالىق اۋرۋحانادا ينفراقۇرىلىمدى جاڭارتۋ جۇمىسى باستالدى: توعىز وپەراسيالىق زالدى كوشىرىپ، كونسترۋكسيالاردى كۇشەيتىپ، جەكە بلوكتاردى بولشەكتەۋ باستالدى. №1 قالالىق كلينيكالىق اۋرۋحانانى قايتا جاڭارتۋدى 2026 جىلدىڭ ناۋرىزىنا جوسپارلاپ وتىرمىز»، - دەيدى نازيرا توعىزبايەۆا.
ناۋرىزباي اۋدانىندا 3 دەنە شىنىقتىرۋ-ساۋىقتىرۋ كەشەنى دە سالىنادى. ەكەۋى «شۇعىلا» شاعىناۋدانىندا، بىرەۋى «اقجار» شاعىناۋدانىندا ورنالاسادى. ءقازىر وسىلارعا جوبالىق-سمەتالىق قۇجاتتاما ازىرلەنىپ جاتىر.
نازيرا توعىزبايەۆا الەۋمەتتىك جانە مەديسينالىق ينفراقۇرىلىمدى دامىتۋ تۇرعىنداردىڭ ءومىر ساپاسىن ارتتىرۋدىڭ نەگىزگى شارتى ەكەنىن اتاپ ءوتىپ، باستى نىسانداردى جاڭعىرتۋ جوسپارلى تۇردە جالعاساتىنىن جەتكىزدى.