كەيىنگى كەزدەرى بۇرىن سوتتىلىعى بار ازاماتتار تەگىن، اتىن جانە اكەسىنىڭ اتىن وزگەرتۋلەرى كوبەيىپ كەتتى.
قازاقستان رەسپۋبليكاسىنىڭ زاڭدارىنا سايكەس، ءاربىر انىقتامالىق دەرەكتەردى وزگەرتكەن ازامات قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ «تالداۋ ورتالىعى» اۆتوماتتاندىرىلعان اقپاراتتىق جۇيەسى ارقىلى تەكسەرىلىپ، بۇرىن سوتتىلىعى بار ازاماتتاردىڭ جاڭا دەرەكتەرى بۇرىنعى دەرەكتەرىمەن بىرىكتىرىلەتىندىگى تۇسىندىرىلەدى.
جاڭا جانە بۇرىنعى دەرەكتەردى بىرىكتىرۋ بويىنشا اقپارات تومەندەگىدەي باياندالادى:
قازاقستان رەسپۋبليكاسى باس پروكۋرورىنىڭ 2018 جىلعى 27 اقپانداعى №29 بۇيرىعىمەن بەكىتىلگەن، «قىلمىستىق قۇقىق بۇزۋشىلىقتار جاساعان، قىلمىستىق جاۋاپتىلىققا تارتىلعان جانە تارتىلاتىن ادامداردى ارنايى ەسەپكە الۋدى جانە ۇستاپ الىنعان، كۇزەتپەن ۇستالاتىن جانە سوتتالعان ادامداردى داكتيلوسكوپيالىق ەسەپكە الۋدى جۇرگىزۋ، پايدالانۋ جانە ساقتاۋ قاعيدالارىنىڭ» 63-تارماعىنا سايكەس، ادامدار انىقتامالىق دەرەكتەرىن وزگەرتكەن كەزدە ىشكى ىستەر ورگاندارىنىڭ كوشى-قون قىزمەتى بولىمشەلەرى ءار ايدىڭ 15 جانە 30 كۇندەرىنە قاراي، كوميتەتتىڭ اۋماقتىق ورگاندارىنا وسى قاعيدالاردىڭ 14-قوسىمشاسىنا سايكەس نىسان بويىنشا «انىقتامالىق دەرەكتەرىنىڭ (تەگىن، اتىن، اكەسىنىڭ اتىن (ول بولعان كەزدە)، ۇلتىن، جىنىسىن، تۋعان كۇنىن مەن جەرىن) اۋىسۋ سەبەبىمەن جەكە باستى كۋالاندىراتىن قۇجاتتاردى الماستىرۋ ماسەلەسى بويىنشا ىشكى ىستەر ورگاندارىنا جۇگىنگەن ازاماتتار تۋرالى مالىمەتتەردى» ۇسىنادى.
كوميتەتتىڭ اۋماقتىق ورگانىنىڭ قىزمەتكەرلەرى بۇرىن قىلمىستىق جاۋاپكەرشىلىككە تارتىلعان نەمەسە تارتىلاتىن تۇلعالاردىڭ جەكە دەرەكتەرىندەگى وزگەرىستەر تۋرالى اقپاراتتى انىقتاۋ/ءتۇسىندىرۋ كەزىندە ولاردى تو ااج-دا تەكسەرەدى.
ەگەر تو ااج-دا بۇرىن قىلمىستىق جاۋاپكەرشىلىككە تارتىلعان نەمەسە تارتىلاتىن تۇلعانىڭ جاڭا جانە بۇرىنعى جەكە دەرەكتەرى بار الفاۆيتتىك تىركەۋ كارتالارى بولسا، كوميتەتتىڭ اۋماقتىق ورگانى اقپاراتتى الفاۆيتتىك تىركەۋ كارتاسىنىڭ رەكۆيزيتتەرى «باسقا جەكە دەرەكتەرى بار» ارقىلى بىرىكتىرەدى.
بۇرىن قىلمىستىق جاۋاپكەرشىلىككە تارتىلعان نەمەسە قىلمىستىق جاۋاپكەرشىلىككە تارتىلاتىن تۇلعانىڭ جاڭا جەكە دەرەكتەرى بار تو ااج -دا الفاۆيتتىك تىركەۋ كارتالارى بولماعان جاعدايدا، كوميتەتتىڭ تو ااج -داعى اۋماقتىق ورگانى «فۋنكسيونالدىق» ارقىلى اقپاراتتى ەنگىزەدى، «OnLine GBD FL» ارقىلى تەكسەرۋ جانە جسن تولتىرۋ ارقىلى «باستاپقى ەنگىزۋ» بولىمىندە باسقا جەكە دەرەكتەردى قوسادى.