ناۋرىزباي اۋدانىندا سوڭعى ون ايدا الەۋمەتتىك قولداۋ مەن جۇمىسپەن قامتۋ جاعى ەسەلەنىپ ءوستى.
11 مىڭنان استام ادام (2 800 وتباسى) ادرەستىك الەۋمەتتىك كومەك الىپ، 12 مىڭنان استام ادامعا ءبىرجولعى تولەمدەر تولەنگەن، - دەپ حابارلايدى Aqshamnews.kz.
سونىمەن قاتار، از قامتىلعان وتباسىلاردى قولداۋ، بالالار مەن ينكليۋزيۆتى باعدارلامالاردى دامىتۋ، تۇرعىنداردى جۇمىسپەن قامتۋ بويىنشا دا كوپ جۇمىس ىستەلىپ جاتىر. وڭىرلىك كوممۋنيكاسيالار قىزمەتىندە اۋدان اكىمى نازيرا توعىزبايەۆا جۋرناليستەرگە وسىلاي دەپ حابارلادى.
جەرگىلىكتى بيۋدجەتتەن ەرەكشە قاجەتتىلىگى بار ازاماتتاردى قولداۋعا 60 ملن تەڭگە ءبولىنىپ، مۇگەدەكتىگى بارلارعا يننوۆاسيالىق اربالار مەن ءجۇرىپ-تۇرۋعا ارنالعان قۇرىلعىلار الىندى. ءقازىر جوسپارلانعان 16 قۇرالدىڭ 13ء-ى ساتىپ الىنعان. سونىمەن قاتار، كوحلەارلىق يمپلانتتارعا ارنالعان قىزمەتتەرگە 51 ملن تەڭگە جۇمسالىپ، 8 ادامعا كومەك كورسەتىلدى. جىل سوڭىنا دەيىن تاعى 6 اربا مەن 6 كوحلەارلىق يمپلانت ساتىپ الۋ جوسپارلانىپ وتىر.
«كاسىپكەرلىكتى دامىتۋ» ۇلتتىق جوباسى اياسىندا 3 700 تۇرعىن جۇمىسپەن قامتىلىپ، ولاردىڭ ىشىندە الەۋمەتتىك، جاستار تاجىريبەسى، قوعامدىق جۇمىستار مەن تۇراقتى جۇمىس ورىندارىنا ورنالاستىرقاندار دا بار.
الەۋمەتتىك ورتالىقتاردا كوپبالالى جانە از قامتىلعان ايەلدەر تىگىن، كوسمەتولوگيا، كومپيۋتەرلىك ساۋاتتىلىق سياقتى ماماندىقتاردى ۇيرەنىپ، بالالار شىعارماشىلىق پەن ءتىل ۇيىرمەسىنە قاتىسادى. قارت ازاماتتار «بەلسەندى ۇزاق ءومىر ورتالىعىندا» سپورتپەن، بيمەن جانە شىعارماشىلىقپەن اينالىسادى. «TenQogam» ورتالىعى مۇمكىندىگى شەكتەۋلى جاندارعا كومپيۋتەرلىك داعدىر، اعىلشىن ءتىلى مەن كاسىپكەرلىك نەگىزىن ۇيرەتەدى.
«DamuBala» باعدارلاماسى اياسىندا 4 مىڭنان استام بالا تەگىن ۇيىرمەلەر مەن سپورت سەكسيالارىنا قاتىسادى، باعدارلامانى باقىلاۋ مەن قولداۋ ماقساتىندا اۋدان اكىمدىگى ەسەپتىك ءىس-شارالار وتكىزەدى.
اۋدان وسىلايشا تۇرعىنداردى الەۋمەتتىك قورعاۋ مەن دامۋعا مۇمكىندىك جاساپ، ءبىلىم مەن جۇمىسپەن قامتۋ سالاسىندا كەشەندى قولداۋ كورسەتىپ وتىر.