ناۋرىزباي اۋدانىندا 40 شاقىرىمنان استام ينجەنەرلىك جەلىلەر سالىندى، - دەپ حابارلايدى Aqshamnews.kz.
بۇل تۋرالى اۋدان اكىمى نازيرا توعىزبايەۆا الماتى قالاسىنىڭ وڭىرلىك كوممۋنيكاسيالار قىزمەتىندە وتكەن باسپا ءسوز ءماسليحاتىندا حابارلادى.
«اقجار» مەن «قاراعايلى» جوباسى اياسىندا 2024–2025 جىلى 43 شاقىرىمنان استام سۋ، كارىز جەلىسىن سالۋ مەن تارتۋ جۇمىسى قولعا الىنعان.
«اقجار» جوباسىنىڭ ەكىنشى كەزەڭىندە جۇمىستاردىڭ 97%-ى اياقتالىپ، «قاراعايلى» جوباسىنىڭ ءبىرىنشى كەزەڭى تولىقتاي بىتكەن. سونىمەن قاتار «اقجار» جوباسىنىڭ ءۇشىنشى كەزەڭى جۇزەگە اسىرىلىپ جاتىر. 12 شاقىرىم سۋ قۇبىرى مەن 6 شاقىرىم كارىز جۇيەسى تارتىلدى.
بۇدان بولەك، جاڭا ينجەنەرلىك جوبالار بويىنشا «تاستىبۇلاق»، «تاۋسامالى» مەن «قاراعايلى» (II كەزەڭ) – مەملەكەتتىك ساراپتامانىڭ وڭ قورىتىندىسىن الدى. قۇرىلىستى 2026 جىلى باستاۋ جوسپارلانىپ وتىر.
«ءبىز جاڭا تۇرعىن ماسسيۆتەرىنىڭ ينجەنەرلىك ينفراقۇرىلىمىن كەزەڭ-كەزەڭىمەن شەشىپ كەلەمىز. بۇل ۇيلەردى ورتالىقتانعان جۇيەگە قوسىپ، تۇرعىنداردىڭ ءومىر ساپاسىن ارتتىرۋعا مۇمكىندىك بەرەدى»، - دەدى اۋدان اكىمى.