ىشكى ىستەر مينيسترلىگى سۋ تاسقىنى تۋرالى جالعان اقپارات تاراتقان ازاماتتار جاۋاپكەرشىلىككە تارتىلاتىنىن ەسكە سالدى.
ءىىم رەسمي وكىلى شىڭعىس الەكەشيەۆتىڭ ايتۋىنشا، كۇردەلى سۋ تاسقىنى جاعدايىنا بايلانىستى تج رەجيمى جاريالانعان ساتتەن باستاپ جالعان اقپارات تاراتقانى ءۇشىن ماڭعىستاۋ جانە قوستاناي وبلىستارىندا ەكى قىلمىستىق ءىس قوزعالعان. ەكى فاكت بويىنشا پسيحولوگيالىق-فيلولوگيالىق جانە فونەتيكالىق ساراپتاما جۇرگىزۋگە قاۋلى شىعارىلدى، دەپ حابارلايدى Almaty-akshamy.kz.
اكىمشىلىك قۇقىق بۇزۋشىلىقتار بويىنشا 13 فاكت انىقتالدى.
ماسەلەن، 14 ساۋىردە اتىراۋ وبلىسىنىڭ تۇرعىنى WhatsApp-تا وڭىردەگى سۋ تاسقىنى جاعدايى ناشارلاپ، اتىراۋ وبلىسىن سۋ باسۋ ءقاۋپى ءتونىپ تۇرعانى تۋرالى اۋديوجازبا تاراتىپ، ناتيجەسىندە اقبتك-نىڭ 456-2-بابى 3-بولىگى (جالعان اقپارات تاراتۋ) بويىنشا اكىمشىلىك جاۋاپكەرشىلىككە تارتىلدى. ايىپپۇل 10 اەك – 36 920 تەڭگەنى قۇرادى.
سونداي-اق 14 ساۋىردە پەتروپاۆل تۇرعىنى TikTok-تا پودگوردىڭ سۋ باسقان اۋدانىندا قاسقىرلار مەن قاباندار پايدا بولدى دەگەن جالعان بەينەجازبا جاريالادى. ول اكىمشىلىك جاۋاپكەرشىلىككە تارتىلىپ، 10 اەك مولشەرىندە ايىپپۇل تولەدى.
15 ساۋىردە اقتاۋ تۇرعىنى ماحامبەت اۋدانىنىڭ ماحامبەت اۋىلىنا 300-گە جۋىق اسكەري قىزمەتشى كەلىپ، جەرگىلىكتى تۇرعىندار سالعان بوگەتتى قيراتۋعا تىرىسقانى تۋرالى حابارلاما تاراتتى. بۇل ءۇشىن اكىمشىلىك جاۋاپكەرشىلىككە تارتىلىپ، 20 اەك – 73 840 تەڭگە كولەمىندە ايىپپۇل سالىندى.
16 ساۋىردە پەتروپاۆلدىڭ تاعى ءبىر تۇرعىنى جەلىدە سولتۇستىك قازاقستان وبلىسىندا سۋ تاسقىنى كەزىندە ەكى بالانىڭ قايتىس بولعانى تۋرالى بەينەروليك جاريالادى، بۇل اقپارات جالعان بولىپ شىقتى. فەيك حابار تاراتۋشى 20 اەك مولشەرىندە ايىپپۇل تولەدى.
20 ساۋىردە پەتروپاۆل تۇرعىنى WhatsApp-قا ەۆاكۋاسيالىق ورتالىقتار ورنالاسقان مەكتەپتەردىڭ قىزمەتكەرلەرى گۋمانيتارلىق كومەكتى وزدەرىنە الىپ جاتقانى تۋرالى دىبىستىق حابارلاما جۇكتەدى. وعان كورىنەۋ جالعان اقپارات تاراتقانى ءۇشىن 10 اەك ايىپپۇل سالىندى.
مۇنداي جاعداي 21 ساۋىردە پەتروپاۆلدا دا تىركەلدى. جەرگىلىكتى تۇرعىن TikTok-تا جالعان اقپارات تاراتىپ، ەرىكتىنىڭ گۋمانيتارلىق كومەكتى ۇرلاعانى تۋرالى بەينەجازبا جاريالادى. بۇل ءۇشىن وعان 20 اەك كولەمىندە ايىپپۇل سالىندى.
22 ساۋىردە پەتروپاۆلدىڭ تاعى ءبىر تۇرعىنى Instagram-دا سەرگەيەۆ سۋ قويماسىنىڭ تولىپ كەتۋىنە قاتىستى جالعان اقپارات تاراتىپ، ىستەگەنى ءۇشىن 10 اەك مولشەرىندە ايىپپۇل تولەدى.