ءستاتيدىڭ 2013 جىلى شىعارعان تورەلىك شەشىمنىڭ الاياقتىق جولىمەن الىنعانىن راستادى
2022 جىلعى 14 ماۋسىمدا گااگا اپەللياسيالىق سوتى اكسيالار ءماجبۇرلى ورىنداۋدان حالىقارالىق ادەت-عۇرىپ قۇقىعى نەگىزىندە يممۋنيتەتكە يە دەپ شەشتى، دەپ حابارلايدى Almaty-akshamy.kz ق ر ادىلەت مينيسترلىگىنە سىلتەمە جاساپ.
گااگا اپەللياسيالىق سوتى قازاقستان رەسپۋبليكاسىنا قارسى شىعارىلعان تورەلىك شەشىمدى ورىنداۋ ماقساتىندا اناتول جانە گابريەل ءستاتيدىڭ «سامۇرىق-قازىنا» ءۇاق تيەسىلى KMG Kashagan B. V. اكسيالارىنا سالىنعان تىيىمنىڭ كۇشى جويىلدى. 2019 جىلعى مامىردا، ياعني تىيىم سالىنعان كەزدە، بۇل اكسيالاردىڭ قۇنى 5،2 ملرد دوللارعا باعالانعان.
سوت KMG Kashagan B. V.-دەگى «سامۇرىق-قازىنا» اكسيالارى بۇۇ كونۆەنسياسىنىڭ 19(س) بابىنىڭ ماقساتتارىنا سايكەس، سەبەبى ستاتي اكسيالاردىڭ قوعامدىق ماقساتى جوق ەكەندىگىنە «سەنىمدى دالەلدەر» كورسەتە المادى. بۇل تۇرعىدا سوت نەگىزىنەن «سامۇرىق-قازىنانىڭ» قازاقستان رەسپۋبليكاسىنىڭ ۇلتتىق ءال-اۋقاتىن ارتتىرۋ جونىندەگى مىندەتتەمەسىنە سىلتەمە جاسادى.
سوت، سونىمەن بىرگە، ستاتيگە سوت شىعىندارىن تولەۋگە مىندەتتەدى.
بۇل شەشىم نيدەرلاندى جوعارعى سوتىنىڭ 2021 جىلعى جەلتوقسانداعى الاياقتىق جولمەن الىنعان تورەلىك شەشىمدى تانۋدىڭ كۇشىن جويۋ تۋرالى شەشىمىنەن كەيىن كەلەدى.
«بۇل قازاقستان ءۇشىن، ونىڭ حالقى ءۇشىن ەلەۋلى جەڭىس، ال ستاتي ءۇشىن تاعى دا ءبىر جەڭىلىس» - دەپ قازاقستان رەسپۋبليكاسىنىڭ ادىلەت ءمينيسترى قانات مۋسين بۇل شەشىمگە تۇسىنىكتەمە بەردى.
سونداي-اق، قازاقستان رەسپۋبليكاسى پرەمەر-مينيسترىنىڭ كەڭەسشىسى - مارات بەكەتايەۆ، بۇل شەشىمدى ءتۇسىندىردى.
«ءبىز KMG Kashagan B.V. اكسيالارىنا ءبىرجاقتى تارتىپپەن الىنعان تىيىم سالۋ باستاپقىدا زاڭسىز بولعانىنا كۇماندانبادىق. ەندى مۇنى سوت راستادى، تىيىمنىڭ كۇشى جويىلدى، ادىلەتتىلىك ورنادى» – دەدى ول.
بۇدان باسقا، 2022 جىلعى 14 ماۋسىمدا ءبىرىنشى ساتىداعى بريۋسسەل سوتى ءستاتيدىڭ قازاقستان ۇلتتىق قورىنىڭ اكتيۆتەرىنە زاڭسىز سالىنعان تىيىم ناتيجەسىندە كەلتىرىلگەن زالالدى وتەۋ تۋرالى تالاپتى قاراۋدى جالعاستىرۋعا مۇمكىندىك بەرەتىن شەشىم شىعاردى.
بۇل شەشىم بريۋسسەل اپەللياسيالىق سوتىنىڭ 2021 جىلعى 16 قاراشاداعى شەشىمىنىڭ ناتيجەسى بولدى. بۇل ءستاتيدىڭ قازاقستانعا سالعان ينۆەستيسيالارى جوسىقسىز جاسالعانىن جانە ءستاتيدىڭ 2013 جىلى شىعارعان تورەلىك شەشىمنىڭ الاياقتىق جولىمەن الىنعانىن راستادى. سونداي-اق، سوت تورەلىك شەشىمنىڭ كۇشىن جويۋ پروسەسستەرى كەزىندە ستاتي شۆەد سوتتارىن ادەيى اداستىردى دەپ شەشتى.
2021 جىلعى 16 قاراشاداعى شەشىمنىڭ ناتيجەسىندە قازاقستان ۇلتتىق قورىنىڭ اكتيۆتەرىنە بەلگيادا بۇرىن ستاتيمەن سالىنعان بارلىق تىيىمداردىڭ كۇشى جويىلدى. وسىنىڭ سالدارىنان، قازاقستان ءبىرىنشى ساتىداعى بريۋسسەل سوتىنا ءستاتيدىڭ بەلگيانىڭ جوعارعى سوتىنىڭ قاراۋىنداعى ىستەر اياقتالعانعا دەيىن بۇل پروسەستى توقتاتا تۇرۋعا باعىتتالعان ارەكەتتەرىنە قاراماستان، اكتيۆتەرگە زاڭسىز سالىنعان تىيىم ءۇشىن ءستاتيدىڭ شىعىنداردى وتەۋى تۋرالى تالاپ-ارىزبەن جۇگىندى.
ءبىرىنشى ساتىداعى بريۋسسەل سوتى ءستاتيدىڭ بۇل ءوتىنىشىن قابىلداماي، قازاقستان رەسپۋبليكاسى ءوز ءوتىنىشىن بريۋسسەل اپەللياسيالىق سوتىنىڭ شەشىمىنە، ياعني «ستاتي تورەلىك تالقىلاۋ الدىندا، كەزىندە جانە ودان كەيىن دە زاڭسىز جانە الاياقتىق ارەكەتتەر جاسادى» دەگەن تۇجىرىمعا نەگىزدەلگەنىن جانە قازاقستان ءستاتيدىڭ الاياقتىعىنىڭ «بارلىق قۇقىقتىق جانە پروسەستىك سالدارى ءۇشىن جاۋاپقا تارتۋعا» ۇمتىلىپ وتىرعانىن اتاپ ءوتتى. وسىلايشا، سوت رەسپۋبليكانىڭ ءوتىنىشىن «نەگىزدى» دەپ تاپتى.
«ولار قازاقستان حالقىنا جانە بەلگيانىڭ سوت جۇيەسىن تەرىس پيعىلدا پايدالانعانى ءۇشىن كەلتىرىلگەن زالالدى وتەۋگە ءتيىس - دەپ قازاقستان رەسپۋبليكاسىنىڭ ادىلەت ءمينيسترى قانات مۋسين بۇل شەشىمگە تۇسىنىكتەمە بەردى.
ءبىز، ستاتي سياقتى قىلمىسكەرلەرمەن كۇرەسۋدى جالعاستىرامىز جانە الاياقتاردىڭ ءبىزدىڭ ەلىمىزدى، ينۆەستيسيالىق جۇيەمىزدى، حالقىمىز بەن رەسۋرستارىمىزدى ءوز مۇددەلەرىنە پايدالانۋىنا جول بەرمەيمىز. ءبىز، ستاتي مەن ولاردىڭ سىبايلاستارىن، سونىڭ ىشىندە دەنيەل چاپماندى جانە ونىڭ Argemtem Creek كومپانيالار توبىن بارلىق يۋريسديكسيالاردا جاۋاپكەرشىلىككە تارتۋ ءۇشىن بارلىق قول جەتىمدى قۇقىقتىق قورعاۋ قۇرالدارىن قولدانامىز» – دەدى مارات بەكەتايەۆ.
سوت ءستاتيدىڭ قازاقستانعا وتەۋگە ءتيىس زالال سوماسىن انىقتاۋ ءۇشىن 2023 جىلعى قازانعا ءۇش كۇندىك سوت تالقىلاۋىن تاعايىندادى. سونداي-اق، ءوزىنىڭ دالەلدەمەلەرىن ۇسىنۋ ءۇشىن قازاقستان رەسپۋبليكاسى مەن قازاقستان رەسپۋبليكاسىنىڭ ۇلتتىق بانكى ءۇشىن پروسەسسۋالدىق كەستەنى بەلگىلەدى.