قازاقستان رەسپۋبليكاسىنىڭ ادىلەت مينيسترلىگى «ادىلەت» نورماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسىندە جاساندى ينتەللەكت نەگىزىندەگى زاڭ كونسۋلتانتى – جاڭا سيفرلىق سەرۆيستىڭ ىسكە قوسىلعانى تۋرالى حابارلايدى.
ءبىرىنشى كەزەڭدە زاماناۋي جاساندى ينتەللەكت تەحنولوگيالارىنا نەگىزدەلگەن «ادىلەت» زاڭ كەڭەسشىسىنىڭ پيلوتتىق نۇسقاسى جۇزەگە اسىرىلدى. ءقازىر اتالعان ءونىم سىناقتان وتۋدە. كونسۋلتانتتىڭ نەگىزگى مىندەتى – نورماتيۆتىك قۇقىقتىق اكتىلەردى تالداۋ جانە ازاماتتارعا جەدەل جانە قولجەتىمدى زاڭ كومەگىن كورسەتۋ.
قۇرال پايدالانۋشىلارعا ينتەراكتيۆتى فورماتتا زاڭنامالىق ماسەلەلەر بويىنشا تۇسىنىكتەمە الۋعا، سونداي-اق قازاقستان رەسپۋبليكاسىنىڭ قۇقىقتىق سالاسىندا جىلدامىراق شارلاۋعا مۇمكىندىك بەرەدى. اي قولدانۋ ازاماتتاردىڭ قۇقىقتىق جۇيەمەن ءوزارا ارەكەتتەسۋ تيىمدىلىگىن ارتتىرادى جانە حالىقتىڭ قۇقىقتىق ساۋاتتىلىعىن ارتتىرۋعا كومەكتەسەدى.
جوبانىڭ ەكىنشى كەزەڭى جي كەڭەسشىسىنىڭ فۋنكسيونالدىعىن كەڭەيتۋدى قامتيدى. نورماتيۆتىك قۇقىقتىق اكتىلەردەگى قايشىلىقتاردى اۆتوماتتى تۇردە انىقتاۋ، زاڭدى تەحنيكالىق تالاپتاردىڭ ساقتالۋىن تەكسەرۋ، مۇمكىن بولاتىن قۇقىقتىق قايشىلىقتاردى بولجاۋ، سونداي-اق باسقا دا تالداۋ فۋنكسيالارىن جۇزەگە اسىرۋ تەتىكتەرىن ەنگىزۋ جوسپارلانۋدا.
«ادىلەت» سيفرلىق زاڭ كونسۋلتانتىن ەنگىزۋ قۇقىقتىق سالانىڭ اۋقىمدى سيفرلىق ترانسفورماسياسىنىڭ ءبىر بولىگى بولىپ تابىلادى جانە قۇقىقتىق اقپاراتتىڭ اشىقتىعىن، قولجەتىمدىلىگىن جانە ساپاسىن ارتتىرۋعا باعىتتالعان.