الماتىعا تانىمال تۇرىك اكتەرى بۋراك ءوزچيۆيت كەلدى
“نەگىز: وسمان”، “سۇلتان سۇلەيمەن”، “بوزتورعاي” سىندى تۇرىك سەريالدارىندا باستى ءرولدى سومداعان الەمگە ايگىلى اكتەر بۋراك ءوزچيۆيت الماتىداعى اۋقىمدى جوبانىڭ تانىستىرىلىمىنا قاتىستى.
اكتەر قازاقستانداعى قۇرىلىس نارىعىنداعى ۇلكەن كومپانيالاردىڭ ءبىرى — RAMS Global-دىڭ جاڭا باستاماسىن قولداۋ ءۇشىن الماتىعا كەلدى.
باسپا ءسوز كونفەرەنسياسى بارىسىندا بۋراك ءوزچيۆيت جۋرناليستەردىڭ سۇراعىنا جاۋاپ بەرىپ، الماتى مەن جوبادان العان اسەرىن ءبولىستى. ول بۇل جوبانىڭ رەسمي امباسسادورى رەتىندە ءسوز سويلەپ، كومپانيانىڭ حالىقارالىق دەڭگەيدەگى جوعارى ساپاسىن ەرەكشە اتاپ ءوتتى.
بۋراك ءوزچيۆيت بۇعان دەيىن دە الماتىعا بىرنەشە رەت كەلىپ كەتكەن. الەۋمەتتىك جەلىلەردەگى پاراقشاسىندا «اتا-بابالارىمىزدىڭ جەرىنەن سالەم» دەپ جازبا قالدىرعان. بۇل ساپارىندا دا قالانىڭ تاريحي جانە مادەني مۇراسىنا دەگەن قىزىعۋشىلىعىن جاسىرمادى.
“قازاقستانعا كەيىنگى 10 جىل ىشىندە ءجيى كەلىپ ءجۇرمىن. ءار كەلگەن سايىن بۇل ەلدىڭ ازاماتتارىمەن شىعارماشىلىق باعىتتا، ءتۇرلى جوبالار اياسىندا بىرلەسە جۇمىس ىستەۋ جونىندە اڭگىمەلەستىك. مۇندا مەنى ءاردايىم جىلى قابىلدايدى، ءوزىمدى تۋعان ۇيىمدە جۇرگەندەي سەزىنەمىن. اتاجۇرتقا قايتا ورالۋ — مەن ءۇشىن ۇلكەن قۋانىش ءارى جۇرەككە جاقىن سەزىم. بۇل توپىراق — ءبىزدىڭ اتا-بابالارىمىزدىڭ ءىزى قالعان كيەلى جەر. قازاقستان مەنىڭ جۇرەگىمدە ەرەكشە ورىن الاتىن ەلگە اينالدى. اتاجۇرتقا اركەز كەلۋگە دايىنمىن”،- دەدى بۋراك ءوزچيۆيت.