«MEGA Alma-Ata» ويىن-ساۋىق ورتالىعىنىڭ ساحناسىندا ۇلتتىق ۇلاننىڭ 5571 اسكەري ءبولىمىنىڭ اسكەري وركەسترى جەڭىس كۇنىنە ارنالعان مەرەكەلىك كونسەرت وتكىزدى.
ءىس-شارا ۇلى وتان سوعىسىنداعى جەڭىستىڭ 80 جىلدىعىنا وراي ۇيىمداستىرىلىپ، قالا تۇرعىندارى مەن قوناقتارىنا ەرەكشە رۋحاني اسەر سىيلادى.
كونسەرت بارىسىندا اسكەري وركەستر سوعىس جىلدارىنداعى اسكەري اندەر مەن پاتريوتتىق جانە حالىق اندەرىن ورىنداپ، كورەرمەندەرگە كوتەرىڭكى كوڭىل كۇي سىيلادى. رەپەرتۋاردان «جۋراۆلي»، «ءاليا»، «قايسار ارميا»، سونداي-اق زاماناۋي مۋزىكالىق وڭدەۋدەگى قازاق اندەرى مەن مارشتار ورىندالدى. وركەستردىڭ كاسىبي شەبەرلىگى مەن ورىنداۋشىلىق دەڭگەيى كورەرمەندەردىڭ زور ىقىلاسىنا بولەندى.
مۇنداي مادەني ءىس-شارالار حالىقتىڭ رۋحىن كوتەرىپ قانا قويماي، وتان ءۇشىن جانىن قيعان باتىرلاردى ەسكە الۋعا، جاستارعا پاتريوتتىق تاربيە بەرۋگە زور ۇلەس قوسادى.