قازاقستاندا تابيعي مونوپوليالار سۋبەكتىلەرىنىڭ ساتىپ الۋ قىزمەتى ەرەجەلەرىنە ماڭىزدى وزگەرىستەر ەنگىزىلدى. بۇل جاڭاشىلدىق وتاندىق ءوندىرۋشىنى قولداۋ مەن ونىڭ تاۋار جەتكىزۋگە ارنالعان كونكۋرسقا قاتىسۋىنا قولايلى جاعداي جاسايدى.
قازاقستان رەسپۋبليكاسى پرەمەر-مينيسترىنىڭ ورىنباسارى — ۇلتتىق ەكونوميكا ءمينيسترىنىڭ 2024 جىلعى 19 ساۋىردەگى № 15 بۇيرىعىنا سايكەس، 2019 جىلعى 13 تامىزداعى № 73 بۇيرىقپەن بەكىتىلگەن تابيعي مونوپوليا سۋبەكتىلەرىنىڭ قىزمەتىن جۇزەگە اسىرۋ قاعيدالارىنا وتاندىق تاۋار وندىرۋشىلەرىنە ارنالعان شارتتى باعا ارتىقشىلىعى تۋرالى ەرەجە ەنگىزىلدى. ەندى ءوتىنىمدى قاراۋ كەزىندە كونكۋرستىق كوميسسيا قازاقستاندىق كومپانيالاردىڭ پايداسىنا باعا ۇسىنىسىن 10 پايىز شارتتى تۇردە تومەندەتەدى.
بۇل وتاندىق بيزنەستىڭ باسەكەگە قابىلەتتىلىگىن ارتتىرۋعا، ونىڭ مەملەكەتتىك كونكۋرسقا قاتىسۋىن ىنتالاندىرۋعا، اسىرەسە، ونىمگە ۇزاق مەرزىمدى سۇرانىستى تۇراقتى تۇردە تۋدىراتىن تۇرعىن ۇي-كوممۋنالدىق سەكتوردى اۋقىمدى جاڭعىرتۋدى كوزدەيدى.
قوسىمشا قولداۋ شاراسى 2024 جىلعى 24 جەلتوقسانداعى № 109 بۇيرىقتا بەكىتىلگەن.
ساتىپ الۋ قاعيداسىن رەفورمالاۋدىڭ ەكىنشى كەزەڭى شەڭبەرىندە مىناداي وزگەرىس كوزدەلگەن:
* ساتىپ الۋدىڭ ەكى كەزەڭدىك ءراسىمىن ەنگىزۋ: ءبىرىنشى كەزەڭ-تەك وتاندىق تاۋار وندىرۋشىلەر اراسىنداعى كونكۋرس؛
* ءبىرىنشى كەزەڭدە جەڭىمپاز بولماعان جاعدايدا، بارلىق جەتكىزۋشىلەر اراسىندا اشىق كونكۋرس وتكىزۋ؛
* جەتكىزۋدى جەدەلدەتۋ ءۇشىن ساتىپ الۋ ءراسىمى مەرزىمىن قىسقارتۋ.
جاڭا تەتىكتەردى ەنگىزۋ ساتىپ الۋدى اشىق وتكىزۋگە مۇمكىندىك، قازاقستاندىق كاسىپورىندارعا ناقتى باسەكەلەستىك ارتىقشىلىق بەرمەك. بۇل ۇلتتىق ءوندىرىستىڭ، ونەركاسىپتىڭ دامۋىنا، جاڭا جۇمىس ورنىنىڭ پايدا بولۋىنا جاعداي جاسايدى.