ق ر ونەركاسىپ جانە قۇرىلىس ءمينيسترى ەرسايىن ناعاسپايەۆ بۇگىنگە دەيىن جالپى قۇنى 138،2 ملرد تەڭگەنى قۇرايتىن 41 جوبا ءساتتى جۇزەگە اسىرىلعان الماتىنىڭ يندۋستريالدى ايماعىندا بولدى. بۇل جوبالار 4 700-دەن استام جۇمىس ورنىن قامتاماسىز ەتتى. قازىرگى ۋاقىتتا جالپى قۇنى 416،9 ملرد تەڭگەنى قۇرايتىن تاعى 67 ينۆەستيسيالىق جوبا بەلسەندى ساتىدا، بۇل 10 200-گە جۋىق جاڭا جۇمىس ورنىن قۇرۋعا مۇمكىندىك بەرەدى.
ساپار بارىسىندا مينيستر ىرگەلى كاسىپورىنداردىڭ جۇمىسىمەن تانىستى:
Hyundai Trans Auto – جىلىنا 10 000 جۇك كولىگى مەن 1 200 اۆتوبۋس شىعارادى؛
Hyundai Trans Kazakhstan – 15 گا اۋماقتا ورنالاسقان زاۋىت، جەڭىل اۆتوموبيلدەردىڭ 8 مودەلىن شىعارادى؛
Kazakhstan Mobility Engineering – كومپانيا Hyundai اۆتوكولىكتەرىنە، ال 2025 جىلدان باستاپ – Haval، Chery جانە Changan برەندتەرىنە ارنالعان قازاق تىلىندە مۋلتيمەديالىق جۇيەلەردى شىعارادى؛
Almaty Autoparts Production – قازاقستاندىق جانە قىتايلىق اۆتووندىرۋشىلەر ءۇشىن اۆتوموبيلدىك كرەسلولار شىعاراتىن زاۋىت؛
Telli Ondiris – تابيعي تۇرمىستىق حيميا جانە كوسمەتيكا شىعارادى، عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا ارنالعان زاماناۋي زەرتحاناسى بار.
الماتى يندۋستريالدى ايماعى جوعارى تەحنولوگيالىق ءوندىرىس ورىندارىن قۇرۋ جانە جەرگىلىكتى قامتۋدى دامىتۋعا ىقپال ەتۋ ارقىلى ءوزىنىڭ وندىرىستىك الەۋەتىن ارتتىرۋدى جالعاستىرۋدا. ينۆەستيسيالاردى بەلسەندى تارتۋ ونى مەگاپوليستىڭ جانە تۇتاستاي العاندا ەلدىڭ ەكونوميكالىق ءوسۋىنىڭ نەگىزگى درايۆەرلەرىنىڭ بىرىنە اينالدىرادى.