ءجۇزۋ ءۇش وزەن، سونىڭ ىشىندە گۋدزون ارقىلى وتەدى
قازاقستاندىق ايەل انەل سىتدىقوۆا اقش-تا 48،5 شاقىرىم قاشىقتىقتى ءجۇزىپ ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بقو دەنە شىنىقتىرۋ جانە سپورت باسقارماسىنىڭ باسشىسى قايمەن ەسەندياروۆتىڭ ءمالىم ەتكەنىندەي، قازاقتىڭ تەمىر حانشايىمى اتانعان انەل نيۋ-يورك قالاسىندا مانحەتتەن ارالى اينالاسىندا 28،5 ميل (48،5 كم) قاشىقتىقتى 9 ساعات 24 مينۋتتا توقتاماستان ءجۇزىپ وتكەن.
ءجۇزۋ ءۇش وزەن، سونىڭ ىشىندە گۋدزون ارقىلى وتەدى. سونداي-اق 20 كوپىردىڭ كوپشىلىگى مانحەتتەن مەن برونكس ارالىعىندا ورنالاسقان.
باتىس قازاقستان وبلىسىندا تۋىپ-وسكەن انەل سىتدىقوۆا بۇدان ءۇش جىل بۇرىن لا-مانش بۇعازىن (38 شاقىرىم) توقتاماستان 15 ساعات 15 مينۋتتا ءجۇزىپ وتكەن ەدى.
«قازىرگى كەزدە قىزىم بالالارى وكسفوردتا وقىپ جاتقاندىقتان، كۇيەۋبالام نۇرلانمەن بىرگە سوندا تۇرىپ جاتىر»، -دەدى انەلدىڭ اكەسى الىبەك سىتدىقوۆ.
ەسكە سالا كەتەيىك، بۇدان بۇرىن ءا.سىتدىقوۆانىڭ اقش-تا تاعى وسىنداي ەكى ۇزاق قاشىقتىقتى ءجۇزىپ وتكىسى كەلەتىنى تۋرالى جازعان بولاتىنبىز.
سونداي-اق لا-مانشتى ءجۇزىپ وتكەن قازاقستاندىق ايەلگە قوس بىردەي ماراپات تابىس ەتىلدى.
