استانانىڭ سپورتتى دامىتۋ ديرەكسياسىندا 40 ملن بيۋدجەت قاراجاتى ۇرلانعان. مۇنى قارجى مونيتورينگى اگەنتتىگى انىقتادى، دەپ حابارلايدى اlmaty-akshamy.kz.
استانا اكىمدىگىنىڭ «وليمپيادالىق ەمەس تۇرلەر بويىنشا سپورتتى دامىتۋ ديرەكسياسى» كوممۋنالدىق مەملەكەتتىك مەكەمەسىندە بيۋدجەت قاراجاتى جۇيەلى تۇردە جىمقىرىلعان.
2021-2022 جىلدارى مەكەمەنىڭ لاۋازىمدى تۇلعالارى وقۋ-جاتتىعۋ جيىندارىن وتكىزۋگە بولىنگەن قاراجاتتى جىمقىرعان. الايدا ەشقانداي ءىس-شارا وتكىزىلمەگەن. جاتتىقتىرۋشىلار سپورتشىلاردىڭ ءجۇرىپ-تۇرعانىن، تاماعىنا جۇمسالعان قاراجات تۋرالى جالعان ەسەپ تاپسىرعان.
سونىڭ سالدارىنان مەملەكەتكە 40 ملن تەڭگەدەن اسا شىعىن كەلگەن.
ءىس بويىنشا سوتقا دەيىنگى تەرگەۋ جۇرگىزىلىپ جاتىر، كۇدىكتى سوتتىڭ سانكسياسىمەن قاماۋعا الىندى.