89 ەلدەن كەلگەن ويىنشىلار سپورتتىڭ 21 تۇرىنەن ب ا ق سىنايدى.
بيىل كۇزدە (8-12 قىركۇيەك) استانادا V دۇنيەجۇزىلىك كوشپەندىلەر ويىندارى وتەدى، دەپ حابارلايدى اlmaty-akshamy.kz.
«ويىنداردىڭ جالپى وپەراسيالىق بيۋدجەتى - 5،7 ملرد تەڭگە. ءيا، بۇل اۋقىمدى قارجى، ءبىراق 2011 جىلى وتكەن جەتىنشى قىسقى ازيا ويىندارىنىڭ بيۋدجەتى 20 ەسە كوپ بولعانىن ەسكە سالعىم كەلەدى. 2017 جىلى الماتىدا وتكەن ۋنيۆەرسيادانىڭ بيۋدجەتى بەس ەسە كوپ بولدى. اتالعان سوماعا ءبىزدىڭ قارجىلىق سەرىكتەستەرىمىز بەن دەمەۋشىلەرىمىز قوساتىن قاراجات قوسىلادى. جالپى العاندا، وپەراسيالىق بيۋدجەت شامامەن 8 ملرد تەڭگە»، - دەدى V دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ ديرەكسياسىنىڭ باسشىسى نايل نۇروۆ.
سونداي-اق، ديرەكسيا باسشىسى كوشپەندىلەر ويىندارى وتەتىن سپورت نىساندارىنا جوندەۋ جۇمىستارى جۇرگىزىلىپ جاتقانىن ايتتى.
«استاناداعى «قازانات» يپپودرومىنىڭ جۇگىرۋگە ارنالعان جولدىڭ ۇزىندىعى 12 مەترگە، ەنى 7 مەترگە كەڭەيە ءتۇستى. سونىمەن قاتار يپپودرومدا جىلقىلاردى دياگنوستيكالاۋ جانە قالپىنا كەلتىرۋ بويىنشا جاڭا زەرتحانا بولادى. ودان بولەك، «الاۋ» مۇز سارايى جاڭارىپ، كوشپەندىلەر ويىندارىنىڭ ارقاسىندا جاڭا كەلبەتكە يە بولادى. جارىستان كەيىن مۇز سارايى ادەتتەگى جۇمىس رەجيمىنە ورالىپ، كونكيشىلەردى قۋانتادى. «استانا-ارەنا» فۋتبول ستاديونى دا جاڭارتىلىپ جاتىر، ياعني ىشكى ينفراقۇرىلىمى، تريبۋنالار مەن فۋتبول الاڭى اۋىستىرىلادى»، - دەيدى ول.
ەسكە سالساق، 5ء-شى دۇنيەجۇزىلىك كوشپەندىلەر ويىنىنىڭ جۇلدە قورى قانشا بولاتىنى جايىندا جازعان ەدىك.