بۇل ءسات ماعان ۇلكەن موتيۆاسيا بەرەدى
ارالاس جەكپە-جەك شەبەرى قازاقستاندىق قۋات حاميتوۆ سپورتقا قايتا ورالعانىن مالىمدەدى. ول ءوزىنىڭ العاشقى جەكپە-جەگىن ءوز وتانىندا وتكىزگىسى كەلەتىنىن ايتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
سپورتقا ورالاتىنى تۋرالى مالىمدەمەسىنەن كەيىن 34 جاستاعى حاميتوۆ (21-8) Fight Nights Global باسشىسى كاميل گادجييەۆتەن 32 جاستاعى رەسەيلىك الەكسەي ماحنومەن (25-8) جەكپە-جەك وتكىزۋ تۋرالى ۇسىنىس الدى.
ءوز Instagram-دا حاميتوۆ گادجييەۆكە ماحنومەن قازاقستاندا كەزدەسكىسى كەلەتىنىن ايتتى.
«@Fightnights جانە @kamilgadzhiev، مەنىڭ سپورتقا قايتا ورالۋىمدى بىلدىرەتىن بۇل جەكپە-جەكتىڭ قازاقستاندا، مەنىڭ وتانىمدا وتكەنىن قالايمىن! ويتكەنى، مەنىڭ ويىمشا، بۇل ءسات ماعان ۇلكەن موتيۆاسيا بەرەدى»،-دەدى مما سپورشىسى قۋات حاميتوۆ.
جەكپە-جەكتىڭ وتەتىن كۇنى تۋرالى ءالى اقپارات بەرىلگەن جوق.