سپورت سالاسىنىڭ قىزمەتكەرلەرىن مينيستر ماراپاتتادى

تامىز ايىنىڭ ءۇشىنشى جەكسەنبىسىندە قازاقستاندا سپورت كۇنى اتاپ وتىلەدى.

كاسىبي مەرەكە قارساڭىندا مادەنيەت جانە سپورت ءمينيسترى داۋرەن ابايەۆ سپورت سالاسى قىزمەتكەرلەرىن ماراپاتتاپ، ولاردىڭ سالاۋاتتى ءومىر سالتىن دامىتۋعا جانە ناسيحاتتاۋعا قوسقان زور ۇلەسىن اتاپ ءوتتى، دەپ حابارلايدى Almaty-akshamy.kz Elorda.imfo سايتىنا سىلتەمە جاساپ. 

«ءبىزدىڭ ەلىمىزدە سپورت ءارتۇرلى جاستاعى، ۇلت پەن كاسىپتەگى كوپتەگەن ادامداردىڭ باسىن بىرىكتىرەدى. سپورتتا الەۋمەتتىك مارتەبەگە نەمەسە گەوگرافياعا ەشقانداي شەكتەۋلەر جوق. شىنتۋايتىنا كەلگەندە سپورت ماڭىزدى ادامي قۇندىلىقتارعا يە جانە دە سپورت جالپى ۇلتتىڭ فيزيكالىق دەنساۋلىعىن نىعايتۋعا ىقپال ەتەدى. جىلدان جىلعا سپورت قاۋىمداستىقتارى مەن سەكسيالارىنىڭ سانى ارتىپ، سپورتپەن ۇنەمى اينالىساتىن ازاماتتاردىڭ سانى ارتىپ كەلەدى. ارينە، بۇل جەردە جاتتىقتىرۋشىلاردىڭ، تورەشىلەردىڭ جانە سپورت مەنەدجەرلەرىنىڭ ەڭبەگى زور. مۇنىڭ ءبارى ولاردىڭ تاڭداعان ماماندىعىنا دەگەن ىنتاسى مەن ادالدىعىنا تىكەلەي بايلانىستى»، - دەدى داۋرەن ابايەۆ.

سالتاناتتى ءىس-شارا وليمپيادا رەزەرۆىنىڭ وبلىستىق جانە رەسپۋبليكالىق مامانداندىرىلعان مەكتەپ-ينتەرنات-كوللەدجدەرىنىڭ جۇمىسى ماسەلەلەرى جونىندەگى كەڭەس شەڭبەرىندە ءوتتى.