مەملەكەت باسشىسى قاسىم-جومارت توقايەۆ جۇمىس ساپارىمەن سوچي قالاسىنا (رەسەي فەدەراسياسى) باردى.
ساپار اياسىندا مەملەكەت باسشىسى رەسەي پرەزيدەنتى ۆلاديمير پۋتينمەن كەزدەسەدى، دەپ حابارلايدى Almaty-akshamy.kz بورت N1 Telegram كانالىنا سىلتەمە جاساپ.
قازاقستان مەن رەسەي باسشىلارى ەكى ەلدىڭ ستراتەگيالىق سەرىكتەستىگىنىڭ وزەكتى ماسەلەلەرىن، سونىڭ ىشىندە ساۋدا-ەكونوميكالىق ىنتىماقتاستىعىن ودان ءارى دامىتۋ تاقىرىبىن تالقىلايتىنى جوسپارلانعان.
ال 24 تامىز كۇنى مەملەكەت باسشىسى ازەربايجان رەسپۋبليكاسىنىڭ پرەزيدەنتى يلحام الييەۆتىڭ شاقىرۋىمەن باكۋ قالاسىنا رەسمي ساپارمەن بارادى.