"قازاقستان حالقىنا" قورىنداعى قاراجات بارلىق وزەكتى ماسەلەلەردى شەشۋگە جەتپەيدى. سوندىقتان ءبىرىنشى كەزەكتەگى ءتۇيىندى مىندەتتەردى ناقتىلاۋىمىز كەرەك. ولاردىڭ قاتارىندا اتاۋلى ءبىلىم گرانتتارى دا بار.
بۇل تۋرالى «دوڭگەلەك ۇستەل» باسىندا وتكەن القالى جيىندا "قازاقستان حالقىنا" قوعامدىق قورىنىڭ باسقارما ءتوراعاسى بولات جامىشيەۆ ايتتى، دەپ حابارلايدى Almaty-akshamy.kz.
"اtamekenim.kz ساندىق پلاتفورماسىنا جۇمىس ىستەپ جاتقان ستۋدەنتتەردەن، ولاردىڭ اتا-انالارىنان 1500-گە جۋىق ءوتىنىم كەلىپ ءتۇستى. وندا ولار وقۋ اقىسىن تولەۋگە كومەكتەسۋدى سۇرايدى. مىسالى، كورۋ قابىلەتى جانە تەرمينالدى ساتىداعى سوزىلمالى بۇيرەك جەتكىلىكسىزدىگى بويىنشا ءى توپتاعى مۇگەدەكتىگى بار ستۋدەنتتەن ءوتىنىم كەلىپ ءتۇستى. گەمودياليز ارقىلى ءومىر ءسۇرىپ جاتقان قىز. ول قورعا جوو-دا وقۋ اقىسىنىڭ قالعانىن تولەۋ تۋرالى وتىنىشپەن قارجىلىق كومەك سۇرادى. ءدال وسىنداي وتىنىمدەر "قازاقستان حالقىنا" قق ءبىلىم گرانتى باعدارلاماسىن ىسكە قوسۋعا نەگىز بولدى"، – دەدى بولات جامىشيەۆ.
ونىڭ ايتۋىنشا، باكالاۆريات باعدارلاماسى بويىنشا ستۋدەنتتەر مەن تالاپكەرلەرگە بارلىعى 2350 گرانت بولىنەدى.
قوردىڭ باسقارما ءتوراعاسى باستاپقىدا 360 گرانت ءبولۋ جوسپارلانعانىن، ءبىراق وتىنىشتەردىڭ كوپ بولۋىنا بايلانىستى بۇل سان ۇلعايعانىن اتاپ ءوتتى. قور ەسەبىنەن وقيتىن ستۋدەنتتەرگە 40 مىڭ تەڭگە كولەمىندە شاكىرتاقى بەلگىلەنگەن. تالاپكەرلەر ءۇشىن ءبىلىم بەرۋ گرانتتارى مەن ستيپەنديالارىنىڭ سانى ءاربىر جوو-عا 10 گرانتقا دەيىن ۇلعايتىلدى. ۇلتتىق جوعارى وقۋ ورىندارىنا 20-عا دەيىن گرانت بەرىلەدى. باعدارلاماعا 79 جوو قاتىسادى، ونىڭ 27ء-سى الماتىدا ورنالاسقان.
بولات جامىشيەۆتىڭ ايتۋىنشا، شەشىلمەگەن جانە شەشىمىن كۇتكەن ماسەلەلەر از ەمەس. ءبىراق قوردا وتىنىشتەرگە ۇلكەن كوڭىل بولىنەدى.
كەزدەسۋگە 100 قالا تۇرعىنى قاتىستى. بىرەۋلەردى جەكە سيپاتتاعى ماسەلەلەر تولعاندىرسا، ەكىنشىلەردى قالالىق اۋقىمداعى تاقىرىپتار تولعاندىراتىنى بەلگىلى بولدى.
«دوڭگەلەك ۇستەل» باسىنداعى اڭگىمە ەكى ساعاتقا سوزىلدى. كەزدەسۋ سىندارلى ءوتتى.
ەستەرىڭىزگە سالا كەتەيىك، 2022 جىلدىڭ 11 قاڭتارىندا پرەزيدەنت قاسىم-جومارت توقايەۆ دەنساۋلىق ساقتاۋ، ءبىلىم بەرۋ جانە الەۋمەتتىك قولداۋ سالالارىنداعى ماسەلەلەردى شەشۋ ءۇشىن "قازاقستان حالقىنا" قوعامدىق الەۋمەتتىك قور قۇرۋدى تاپسىرعان بولاتىن.