مادەنيەت جانە سپورت مينيسترلىگىنىڭ مالىمەتىنشە، 2023-2024 وقۋ جىلى وقۋعا قابىلداۋعا 4288 ءوتىنىش تىركەلدى.
ونىڭ ىشىندە 3468 – جوعارى وقۋ ورىندارى، 312 – كوللەدجدەر، 508 – مەكتەپتەر. ال مينيسترلىككە باعىنىستى وقۋ ورىندارىندا مەملەكەتتىك ءبىلىم بەرۋ تاپسىرىسى بويىنشا بولىنگەن ورىن سانى - 2562، دەپ حابارلايدى Almaty-akshamy.kz.
ءقازىر مادەنيەت جانە سپورت مينيسترلىگىنىڭ جانىنان 5 جوعارى وقۋ ورنى، 9 كوللەدج جانە 2 مامانداندىرىلعان مۋزىكالىق مەكتەپ جۇمىس ىستەيدى، وندا بارلىعى 16 337 ادام وقيدى. سونىمەن قاتار جەرگىلىكتى اتقارۋشى ورگانداردىڭ بيۋدجەتىنەن قارجىلاندىرىلاتىن 20 مۋزىكالىق كوللەدج جانە 160 مۋزىكالىق مەكتەپ جۇمىس ىستەيدى.
مينيسترلىك بيىل جوندەلگەن وقۋ ورىندارى تۋرالى اقپارات بەردى:
- الماتى قالاسىنىڭ اكىمدىگى ت. جۇرگەنوۆ اتىنداعى ءقازۇوا-عا اۋدانى 1000 ش.م. قۇرايتىن ءۇي-جايدى وقۋ كورپۋسىن اشۋ ءۇشىن تاپسىردى. وسى جىلى اكادەميا وسى ءۇي-جايدى قايتا قۇرۋ بويىنشا جسق ازىرلەيدى. سونىمەن قاتار ەسكيزدىك جوبا ازىرلەندى. جوو ستۋدەنتتەرى ءۇشىن جاڭا جاتاقحانا سالۋ بويىنشا بجت دايىندالىپ جاتىر
- "كاركەن احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجى" رمم دە بيىل جوندەلدى. اتاپ ايتقاندا جاتاقحانا، ويىن زالى، سەمسەرلەسۋ زالى، كۇرەس زالى جانە اسحانا جوندەلدى.
- "ق.مۇڭايتپاسوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجى" رمم جاتاقحاناسىنا كوسمەتيكالىق جوندەۋ جاسالدى. ال "ريددەر قالاسىنداعى وليمپيادا رەزەرۆى رەسپۋبليكالىق مەكتەپ-ينتەرنات-كوللەدجى" رمم-دە قويما ءۇي-جايلارىنا، سەحتارعا، شاعىن جانە ۇلكەن زالدارعا اعىمداعى جوندەۋ جۇرگىزىلدى. كوسمەتيكالىق جوندەۋ "رەسپۋبليكالىق سپورت كوللەدجى" رمقك-دا دا جۇرگىزىلدى.
"بارلىق جوندەۋ-قۇرىلىس جۇمىسى سانيتارلىق-ەپيدەميولوگيالىق شارالاردى ساقتاي وتىرىپ، مالىمدەلگەن مەرزىمدەرگە سايكەس اياقتالادى. سونىمەن قاتار،جىل سايىن مۋزىكالىق اسپاپتاردى، سپورتتىق قۇرال-سايمانداردى جانە باسقا دا قاجەت جابدىقتاردى ساتىپ الۋعا قاراجات بولىنەدى. كەلەسى جىلى بۇل ماقساتقا مادەنيەت جانە ونەر سالاسىنداعى 4 كوللەدجگە 133 ملن تەڭگە بولىنەدى"، - دەدى مادەنيەت جانە سپورت مينيسترلىگى اپپاراتىنىڭ باسشىسى جانات احمەتوۆ.