تاۋەلسىزدىگىمىزدىڭ ارقاسىندا ازاماتتارىمىز عىلىمي-تەحنيكالىق جاڭالىقتار اشىپ ۇزدىكسىز دامۋ ۇستىندە.
الايدا ادامدار اراسىنداعى بايلانىس، مادەنيەت جانە وتباسى ينستيتۋتتارى ارتتا قالىپ قويدى. قازىرگى تاڭدا الەمدە تەرروريزم مەن ءتۇرلى زاڭ بۇزۋشىلىقتار كوبەيىپ كەتتى. ول ماسەلەلەر ءبىزدىڭ ەلدى دە اينالىپ وتپەدى. ماسەلەگە ءتۇپ نەگىزىنەن كىرسەك، ونىڭ سەبەبى كوبى ويلاعانداي ەمەس. ءبىز سوپىلىق فيلوسوفياسى ارقىلى قوعام مادەنيەتىن قالاي كوتەرە الامىز، سول تۋرالى ايتىپ كەتۋى قاجەت. ەڭ ءبىرىنشى، سوپىلىق فيلوسوفياسىنا انىقتاما بەرىپ كەتەيىك. سوپىلىق فيلوسوفياسى – ورتا عاسىردا پايدا بولعان يسلام فيلوسوفياسىنىڭ ءتۇرى. بۇل فيلوسوفيانىڭ نەگىزىگى ەرەكشەلەگى – ادامزاتتى ونەگەلى ءومىر سۇرۋگە باۋلۋ. نەگىزگى مادەني ونىمدەردى جىرلار، اڭىزدار جانە پوەزيا ارقىلى جەتكىزەدى. سولاردىڭ بىرىنە قوجا احمەت ءياساۋيدىڭ «دانالىق كىتابىن» الا الامىز. قازاقتىڭ XV-XIX عاسىرلار اراسىنداعى جىراۋلارى وسى قوجا احمەت ءياساۋيدىڭ ەڭبەكتەرى ارقىلى دۇنيەتانىمدارىن، كوزقاراستارىن قالىپتاستىرعان. سولاي جاڭا تولقىنمەن قازاق اۋىز ادەبيەتىنە ۇلەس قوسىپ وتىردى. قازاقتىڭ تاريحى مەن ادەبيەتى وسى سوپىلىقپەن بايلانىسى بار ەكەنىن بىلەمىز. قازاقتاردىڭ ونتولوگيالىق تانىمى وسى سوپىلىق اڭىزدار ارقىلى ىسكە اسىپ وتىرعان. اڭىزدار مەن جىرلار تاربيەلىك ءمانى بار مىقتى قۇرال. ورتا عاسىردان وسى زامانعا دەيىن تۇركى ەلدەرى جانە قازاق ەلى ءمورالدى وسىلاي جەتكىزەتىن. اڭىزدار مەن ميفولوگيالىق ەرتەگىلەر تىڭدارمانعا جول سىلتەپ، باعىت باعدار كورسەتىپ وتىراتىن. قازىرگى تاڭدا قوعام جانە ادامزات كوبىنەسە ماتەرياليستىك جانە راسيوناليستىك كوزقاراستى ۇستانۋدا. سەبەبى ءقازىر ەمپيريكالىق عىلىم كەڭ جايىلىپ كەتتى. ال، جالپى، ادام ساناسى ميفتىك جانە راسيونال سانا دەپ ەكىگە بولىنەدى. وسى ەكى سانانىڭ بىرەۋى بولماسا، ادامنىڭ بولمىسى تولىق اشىلمايدى. ءقازىر ءبىز ميفتىك سانانى الىپ تاستاعاننىڭ اسەرىنەن سان ءتۇرلى زالىم ادامدار تارالىپ كەتتى. جۇرەگىندە جاقىنىنا مەيىرىمى جوق ادامدار وسىندايدان پايدا بولادى. ءبىزدىڭ ەلدى جانە وزگە ەلدەردى دامىتۋ ءۇشىن ميفتىك سانانى دا ىسكە قوسۋ قاجەت. وعان، ارينە، جاقسى باعىت بەرەتىن سوپىلىق فيلوسوفياسىنىڭ نەگىزگى پرينسيپتەرى جانە قۇرالدارى. بۇل فيلوسوفيا ءتۇرى ادامعا ءومىردىڭ ءمانىن تابۋعا جانە قوعامدى وركەنيەتتى ەتۋگە كومەكتەسە الادى. ونىڭ فۋندامەنتالدى فۋنكسيالارى ەكى سانانى دا ىسكە قوسا الادى. ەكى ساناسى دۇرىس دامىعان ادامدار وركەنيەتتى جاقسى باعىتقا بۇرا الادى.
وركەن ادايەۆ، ماگيسترانت
ەركەبۇلان ەسمۇرات، ماگيسترانت
دانات جاناتايەۆ، دوسەنت، جەتەكشى، ءال-فارابي اتىنداعى قازاق ۇلتتىق ۋنيۆەرسيتەتى