جازاسىن وتەۋشى جاسوسپىرىمدەر اراسىندا شاحماتتان جارىس ءوتتى
الماتى قالاسىنىڭ قاج دەپارتامەنتىنە قاراستى لا-155/6 مەكەمەسىندە جازاسىن وتەپ جاتقان جاسوسپىرىمدەر اراسىندا شاحمات ءتۋرنيرى ۇيىمداستىرىلدى. سپورتتىق ءىس-شاراعا الماتى قالاسى جاستار ساياساتىن دامىتۋ مەملەكەتتىك قورى ديرەكتورىنىڭ ورىنباسارى نۇرسۇلتان تاستانبەك جانە جاتتىقتىرۋشىلار لەس ارسەن لەس، ازامات الىشيەۆ، داۋلەت يمانبەرلينوۆ مۇرىندىق بولىپ، قولداۋ كورسەتتى.
5 تۋردان تۇرعان شاحمات سايىسىندا 1-ورىندى ا.وۆسيانيكوۆ، 2-ورىندى ب.شىلدەباي، ال 3-ورىندى د.مۋباراكوۆ يەلەندى. ويىن تارىستى دا قىزىقتى ءوتتى. جەڭىمپازدار ماقتاۋ قاعازدارىمەن بىرگە، سپورتتىق كيىممەن جانە ۇستەل تەننيسىنىڭ راكەتكا، دوبىمەن ماراپاتتالدى. ءسااپتجب باستىعى، ادىلەت مايورى ا.بازىلبايەۆا كەلگەن قوناقتارعا مەكەمە باستىعى اتىنان العىس ءبىلدىردى.
شاحمات تا ادام ويىن دامىتىپ، ءاقىل-ورىسىن كەڭەيتەدى. شىعارماشىلىققا دا جەتەلەيدى. سوندىقتان بالالار كولونياسىندا جازاسىن وتەپ جاتقان جاسوسپىرىمدەر ءۇشىن بۇل ءتۋرنيردىڭ بەرەرى مول ەكەنى انىق.