قازان ايىنىڭ 6، 7-سىندە «الاتاۋ» ءداستۇرلى ونەر تەاترىندا ايگىلى كومپوزيتور، اقىن مۇحيت مەرالى ۇلىنىڭ 180 جىلدىق مەرەيتويىنا وراي «ءان – مۇحيت» مۋزىكالىق قويىلىمىنىڭ تۇساۋكەسەرى وتەدى.
سەنارييىن جازعان - اقىن-دراماتۋرگ، مەملەكەتتىك سىيلىقتىڭ لاۋرەاتى يران-عايىپ. قويىلىم رەجيسسەرى - جۇلدىزبەك جۇمانباي. باستى كەيىپكەر وبرازىن نۇربولات يسايەۆ سومدايدى. سپەكتاكلدىڭ باستى ەرەكشەلىگى – ەتنوفولكلورلىق ءانسامبلدىڭ سۇيەمەلدەۋىمەن جاندى داۋىستا وتەدى. سونىمەن قاتار قولدانىلاتىن مۋزىكالىق ماتەريالدىڭ بارلىعى - انسامبل ءارتيسى، قوبىزشى نۇربولات قىدىربايەۆتىڭ ارنايى قويىلىم ءۇشىن جازىلعان اۆتورلىق دۇنيەلەرى. اتالمىش قويىلىمدا مۇحيتتىڭ حالىق اراسىندا كەڭ تاراعان «اينامكوز»، «ۇلكەن ايداي»، «كiشi ايداي»، «زاۋرەش»، «تاڭكويلەك»، «قارا قانشىقتىڭ ءانى»، «الۋاش» اندەرى ورىندالىپ، ونەرپازدىڭ ءومىر جولىنداعى اششى شىندىق بەينەلەنەدى.